Sunnfjord kommune
Vedtak i kommunestyret
«Detaljreguleringsplan Sunnfjord næringspark med plankart føresegner dagsett 11.mai 2026 vert vedteke i samsvar med plan- og bygningslova § 12-12, med følgande endringar:
- Eksemplifisering tatt inn i føresegna pkt. 3 for KBA7 i bokstav e blir tatt ut: «til dømes reservedelar og tilbehøyr».
- Andre setning i avsnittet "Energikrav" i 3.1.3 vert endra til: «Det skal i byggesaker for bygg som skal huse energikrevjande industri utgreiast i kor stor grad det er mogleg å nytte overskotsvarme frå nye anlegg internt»
Vedtak av ny detaljreguleringsplan vil erstatte heilt eller delar av gjeldande reguleringsplanar nemnt i tabell.»
Kort om planen
Planen legg til rette for etablering av industri, lager, forretning (plasskrevjande varer), transportbedrifter, vegserviceanlegg, gartneri, renovasjons-/gjenvinningsanlegg, datasenter og/eller transformatorstasjon på Moskog. Det er regulert areal til ny infrastruktur og grøntområde i dei nye byggeområda, og det er sett av areal til oppgradering av vegkrysset E39 og fv 613. Tilkomst til nye byggeområde er planlagd frå fv 613, og det er regulert areal til ny gang-/sykkelveg fram til byggeområda i aust. Det er knytt ulike rekkjefølgekrav i samband med gjennomføring av planen. Plankart og føresegner er juridisk bindande. Illustrasjonar og teikningar i planframlegget viser moglege framtidige løysingar for utbygging.
Dei viktigaste endringane etter at planen har vore til høyring og offentleg ettersyn er:
- Omsynssone for naturfare - flaum H320
- Omsynssone for infrastruktur H410
- Justert grenser til køyreveg KV3, KV9 og rundkøyringar i KV4 og KV5 med tilhøyrande fortau, anna vegareal og grøntareal
- Passeringslommer ved fv613
- Føresegner er endra m.a. for handel med plasskrevjande varer, rekkjefølgjekrav knytt til vegkrysset E39 og fv 613, omsynssone for naturfare, m.m., sjå tekst merka med blå farge i vedlegg.
Sjå viktige dokument i saka
Plankart og føresegner vil vere juridisk bindande, medan andre dokument er av opplysande art.
Klage på vedtaket
Du har rett til å klage på vedtaket dersom du er part i saka, eller har rettsleg klageinteresse i saka, jf. plan- og bygningslova § 1-9 og forvaltningslova kap. VI.
Les meir om klage på plansaker
Du kan klage på vedtaket innan 3 veker frå kunngjering. Du skal skrive klage til Statsforvaltaren i Vestland, og sende den til Sunnfjord kommune merka med saksnummer: 23/2345.
Du kan enten sende klage på eDialog eller per post:
- eDialog
- Sunnfjord kommune, Boks 338, 6802 Førde
Meir informasjon om saka
Lovverk