Redusere klimagassutsleppa med minst 40 % innan 2030

Dette er hovudmålet i Sunnfjord kommune sin klimaomstillingsplan for 2019-2030 . Saman med planen følgjer eit handlingsprogram med 31 tiltak som kommunen vil prioritere dei første åra.

Sjå klimaomstillingsplanen Sjå klimabudsjett for 2024-2027 (PDF, 3 MB)

Klimafotavtrykket er det samla utsleppet som følgje av forbruket vårt: Varer og tenester som vi kjøper, mat, energi, transport i inn- og utland, og innkjøp i kommunen og andre offentlege etatar.

Jordbruk, vegtransport, bygg og anlegg er dei største kjeldene til direkte utslepp i Sunnfjord kommune. I kommunen si eiga verksemd er dei største utsleppa frå transport og innkjøp av varer og tenester til kommunale bygg og anlegg.

Figuren nedanfor viser historiske utslepp i kommunen vår med mørkeblå linje. Den grøne linja viser kor mykje vi må redusere utsleppa for å nå kommunen sitt mål om 40 % mindre utslepp innan 2030. Den lyseblå linja viser at vi er eit godt stykke unna målet viss ikkje vi gjer meir for å redusere utsleppa.