Vidareføre satsinga gjennom Sykkelbyen Førde. Aktivt fremje folkehelsegevinstane med sykling og gonge gjennom motivasjon, kunnskapsformidling og fremjing av nye infrastrukturtiltak.

Legge til rette for at mjuke trafikantar i alle aldersgrupper kan ferdast trygt, med god tilrettelegging av gang og sykkelvegar. Det er særleg viktig å legge til rette for at flest mogleg barn og unge kan ferdast trygt til skule og fritidsaktivitetar for eigen maskin. Prioritere trygge skulevegar gjennom arealplanar, trafikktryggingsplanen og andre utviklingsprosjekt for byen og tettstadane. Samarbeide med skule og barnehage for tidleg introduksjon av gonge og sykkel som førsteval, gjennom haldningskampanjar, Barnetråkk, Hjartesoner og kartlegging av snarvegar.

Samarbeide med Høgskulen på Vestlandet om aktiv transport i Studentbyen Førde. Samarbeide med andre offentleg verksemder om sykkelvenlege arbeidsplassar, til dømes Helse Førde.

Sikre bilfrie og attraktive uterom og møteplassar for mjuke trafikantar i sentruma gjennom arealplanar.

Avgrense parkeringsplassar og sikre etablering av gode sykkelparkeringar og samanhengande og trygge ferdsleårer for sykkel, gonge og kollektivtrafikk i arealplanar.

Fremje dei positive effektane for mjuke trafikantar etter kvart som Førdepakken blir gjennomført.

Greie ut behovet for regulering av el-sparkesyklar og annan mikromobilitet, og samarbeide med grunneigarar og aktørar om gode løysingar.

Leggje føringar i kommuneplanen sin arealdel for å redusere framtidig transportbehov, og styrke framkome, tryggleik og tilgjenge for gonge, sykkel og kollektivtrafikk.

Avgrense parkeringsplassar og stille krav om sykkelparkering, parkering for bildeling og lading for elbilar i arealplanar. Reservere parkeringsplassar og laste- og losselommer til utsleppsfrie køyretøy. Differensiere parkeringsavgifter på offentlege parkeringsplassar for å fremje klimavenlege køyretøy.

Krevje etablering av ladeinfrastruktur i nybygg av garasjar og parkeringsplassar i planføresegner. Regulere areal for lading og energistasjonar (biogass, hydrogen, batterielektrisk) i arealplanar for å mogleggjere teknologiskifte. Leggje til rette for ladeinfrastruktur for drosjar, næringsliv og private, gjennom etablering eller kommunalt tilskot til etablering.

Drive langsiktig energiplanlegging saman med nettselskap for å sikre koordinering og informasjonsflyt om planar for elektrifisering av transport i kommunane. Som eigar av straumselskap styrke lokalt nett, overgang til elektriske løysingar og effektiv og fleksibel bruk av energi. 

Vere pådrivar for eit betre bybuss-tilbod i Førde, og eit betre kollektivtilbod på pendlarruter og regionale/lokale ruter med vekt på frekvens, pris og korrespondanse. Busstilbodet til Bergen må betrast betydeleg i høve til avgangstider og frekvens, slik at kollektivtransport på denne strekningen blir eit reelt val. Påverke fylkeskommunen til å utvikle og forbetre kollektivtilbodet med vekt på berekraftig mobilitet og framtidsretta løysingar. Mobilitetsstrategien skal bidra til å fremje kollektivtransport med nullutsleppsteknologi som batteri/hydrogen eller biogass, mellom anna gjennom offentlege anskaffingar. Bruke piloten for autonom buss som ein inngangsport til vidareutvikling. Betre transporttilbod i Studentbyen Førde som mellom anna knyter saman Campus Vie, Førde sentrum og teknologisenteret på Øyrane.

Vere pådrivar for etablering av kommersiell el-fly-rute Førde-Bergen, gjennom samarbeid med fylkeskommunen, Avinor og kommersielle aktørar. 

Innføre grøn innkjøpsstrategi i kommunen. Etterspørje nullutslepp og effektivisering ved vare- og tenesteleveransar. Anskaffe nullutsleppkøyretøy til eigen bruk. Tilby prøvekøyring av el-sykkel og null- og lågutsleppkøyretøy for tilsette. Redusere transportbehovet og tal reiser gjennom aktiv bruk av IKT-løysingar, og etterspørje slik bruk frå statlege myndigheiter og samarbeidspartnarar.

Sunnfjord kommune vil leggje til rette for at innbyggarane kjem seg saumlaust frå der dei er til der dei skal. Kommunen vil etablere sykkelparkering under tak, bysykkelordning og gode parkeringsplassar for bil på viktige kollektivhaldeplassar langs pendlarrutene og jobbe for å få Skyss med på ein slik heilskapeleg mobilitetsstrategi.