Samarbeid, føring av fråvære og informasjonsflyt mellom heim og skule skal skje ved bruk av Visma Flyt Skule, der vi sikrar personvernet.  nedanfor er rutina skulen har, som både føresette og tilsette skal følgje opp. Ta kontakt med kontaktlærar ved spørsmål. 

Det er foreldremøte i kvar klasse 2 gangar i året. På årssteg der det er to klassar vert ofte møta organisert med ein fellesdel, og ein del der ein møtast klassevis. I tillegg til informasjon er det viktig at foreldra får diskutere og reflektere saman på foreldremøta. 

Du tingar skulefrukt her: https://skolefrukt.no/

Du tingar skulemjølk her: https://www.skolelyst.no/

Som eit ledd i Pals-arbeidet, har Vassenden skule ulike tiltak som vi tilbyr elevar som treng ekstra støtte i ein periode. Her får du litt informasjon om nokre av støttetiltaka vi har i samband med PALS- arbeidet vårt. 

Vassenden skule har mange ulike tiltak og system i arbeidet med å lage eit godt og trygt skulemiljø. PALS er eit skuleomfattande program der vi arbeider førebyggande i alle klassar og på alle arenaer. Vidare følgjer vi opp elevane med ulike elevsamtalar, kartleggingar og har tilbod om sosiallærarar og skulehelseteneste i begge avdelingar. Kvar av klassane har fysisk aktiv læring (FAL) på timeplanen slik at vi sikrar at alle elevar får minst 30 minutt fysisk aktivitet kvar skuledag. For å trygge elevane sin skuleveg arbeider vi med Trygg Trafikk sitt program Hjartesone, der målet er at flest mogeleg skal gå og sykle til skulen. 

Dersom elevar vert sjuke eller skadde i løpet av skuledagen vert dette følgt opp etter eigne rutinar der alvorsgraden vert tatt omsyn til. Ved behov for transport heim, eller legebesøk, er foreldre/føresette ansvarlige for å organisere dette. Vi nyttar Folkehelseinstituttet sine retningslinjer ved omgangssykje. Dette betyr at elevane ikkje skal leverast på skule eller SFO før det har gått 48-timar etter siste gang barnet hadde oppkast/diare. 

Etter søknad kan grunnskuleelevar få permisjon frå pliktig undervisning inntil to veker (ti skuledagar) når fritak er fagleg forsvarleg. Elevar vil ikkje få innvilga permisjon under eksamen, tentamen, nasjonale prøver og kartleggingar. I tilfeller der lærar manglar vurderingsgrunnlag i eit fag vil det ikkje bli innvilga permisjon. For fri utover to veker gjeld eigne reglar om utmelding av skulen. Om det ikkje vert søkt innan oppsett tidsfrist får eleven fråværet ført som ugyldig fråvær. Elevar på ungdomsskulesteget mistar då retten etter føreskriftene § 3-41 til å få søkt omgjering av det aktuelle fråværet som vert ført på vitnemålet.