På barneskulen var alle elevane med på opninga av pumtracken. Her kom Vassenden 2025, Rekkje stiutvikling, Idrett og Friluftslivseininga i Sunnfjord kommune og varaordføraren på besøk. Varaordføraren fekk raskt tittel som «reserve-ordføraren» av elevane.  Han kom med skateboard under armen og opna bana med å ta nokre rundar i pumptracken med elevane som publikum. Artig! 

Etterpå hadde 6. klasse framsyning av sykkelkunstar i pumptracken, før alle elevane var med å danse BlimE!- dansen. Kjekk opning av den flotte bana vi har fått. Den er mykje i bruk i både i skuletid og på kveldstid. Takk til Vassenden 2025 som har stått for prosjektet, og for alle som har bidratt med innsats og økonomi for å få bana på plass.

Alle elevane på ungdomsskulen starta skuledagen med å springe så mange rundar dei klarte på 60 minutt i ei 500-meter løperunde. Løpet var for inntekt for årets TV-aksjon og Barnekreftforeininga. Nokre elevar kom opp i heile 20-27 runder! Imponerande!