Barn er ulike, også når det gjelder læring. I opplæringslova § 1 avsnitt 3 står det at opplæringa skal tilpassast elevane sine evner og føresetnader. Tilpassa opplæring er eit verkemiddel for at alle elever skal oppleve auka læringsutbytte. Det er ingen individuell rett, men skal skje gjennom variasjon og tilpassingar til mangfaldet i elevgruppa innanfor fellesskapet. Viss eleven ikkje kan få tilfredsstillande utbytte av tilpassa opplæring vil han/ho ha rett på spesialundervisning. Opplæringslova § 5 seier følgande om spesialundervisning:

«Elevar som ikkje har eller som ikkje kan få tilfredstillande utbyte av det ordinære opplæringstilbodet, har rett til spesialundervisning. (…) Før kommunen gjer vedtak om spesialundervisning, skal det liggje føre ei sakkunnig vurdering av dei særlege behova til eleven. (…)»

Pedagogisk-psykologisk teneste (som ofte er forkorta til PPT), er ei kommunal rådgivande teneste for skulane og fungerer som sakkunnig instans i spørsmål om barn, ungdom og vaksne sin opplæringssituasjon og behov for spesialundervisning.

Elevar over 15 år, foreldre, barnehagar, skuler og andre tverrfaglege tenester kan ta kontakt med PPT for råd og rettleiing.

Opplæringslova § 2 avsnitt 8 omhandlar elevar med anna morsmål enn norsk og samisk. Dei har rett til særskilt norskopplæring til dei har tilstrekkeleg norskkompetanse til å følge den vanlege opplæringa i skulen. Om nødvendig har slike elever også rett til morsmålsopplæring, tospråklig fagopplæring eller begge deler.

§ 9 A i Opplæringslova seier at alle elevar har rett til eit godt fysisk og psykososialt arbeidsmiljø. Alle som arbeider i skulen er etter lova pliktige til å ta tak i mobbing/erting/plaging.
Det er lovfesta at skulen skal ha nulltoleranse mot krenking, som mobbing, vald, diskriminering og trakassering (§ 9 A-3). Skulen skal ikkje lenger fatte enkeltvedtak, men har aktivitetsplikt.

1. Alle som arbeider på skulen, skal følgje med på om elevane har eit trygt og godt skulemiljø, og gripe inn mot krenking, som mobbing, vald, diskriminering og trakassering, dersom det er mogleg.
2. Alle som arbeider på skulen, skal varsle rektor dersom dei får mistanke om, eller kjennskap til, at ein elev ikkje har eit trygt og godt skulemiljø. Rektor skal varsle skuleeigaren i alvorlege tilfelle.
3. Ved mistanke om, eller kjennskap til, at ein elev ikkje har eit trygt og godt skulemiljø, skal skulen snarast undersøkje saka.
4. Når ein elev seier at skulemiljøet ikkje er trygt og godt, skal skulen så langt det finst eigna tiltak sørgje for at eleven får eit trygt og godt skulemiljø. Det same gjeld når ei undersøking viser at ein elev ikkje har eit trygt og godt skulemiljø.
5. Skulen skal sørgje for at involverte elevar blir høyrde. Kva som er best for elevane skal vere eit grunnleggjande omsyn i skulen sitt arbeid.
6. Skulen skal lage ein skriftleg plan når det skal gjerast tiltak i ei sak. I planen skal det stå:

• Kva problem tiltaka skal løyse
• Kva tiltak skulen har planlagt
• Når tiltaka skal gjennomførast
• Kven som er ansvarleg for gjennomføringa av tiltaka
• Når tiltaka skal evaluerast.

7. Skulen skal dokumentere kva som blir gjort for å oppfylle aktivitetsplikta etter første til femte ledd.

§ 9 A-5 Skjerpa aktivitetsplikt dersom ein som arbeider på skulen, krenkjer ein elev

Dersom ein som arbeider på skulen, får mistanke om eller kjennskap til at ein annan som arbeider på skulen, utset ein elev for krenking, som mobbing, vald, diskriminering og trakassering, skal vedkommande straks varsle rektor. Rektor skal varsle skuleeigaren. Dersom det er ein i leiinga ved skulen som står bak krenkinga, skal skuleeigaren varslast direkte av den som fekk mistanke om, eller kjennskap til, krenkinga. Undersøking og tiltak etter § 9 A-4 tredje og fjerde ledd skal setjast i verk straks.

§ 9 A-6 Fylkesmannen si handheving av aktivitetsplikta i enkeltsaker

(1) Dersom ein elev ikkje har eit trygt og godt skulemiljø, kan eleven eller foreldra melde saka til fylkesmannen etter at saka er teken opp med rektor.

(2) Fylkesmannen skal avgjere om aktivitetsplikta etter §§ 9 A-4 og 9 A-5 er oppfylt. Dersom saka ikkje er teken opp med rektor, eller om det er under ei veke sidan ho vart teken opp, skal fylkesmannen avvise saka. Det same gjeld dersom saka ikkje gjeld skulemiljøet på skulen der eleven går når saka blir meldt til fylkesmannen.

(3) Skulen og skuleeigaren skal, utan hinder av lovfesta teieplikt, leggje fram alle opplysningar som fylkesmannen meiner må til for å greie ut saka. Fylkesmannen skal sørgje for at involverte elevar blir høyrde. Kva som er best for elevane, skal vere eit grunnleggjande omsyn i fylkesmannen si saksbehandling.

(4) Kjem fylkesmannen til at skulen ikkje har oppfylt aktivitetsplikta etter § 9 A-4 og § 9 A-5, kan fylkesmannen vedta kva skulen skal gjere for å sørgje for at eleven får eit trygt og godt skulemiljø. Det skal setjast ein frist for gjennomføringa av vedtaket, og fylkesmannen skal følgje opp saka. Fylkesmannen kan vedta reaksjonar etter skulen sitt ordensreglement,
jf. § 9 A-10, eller at ein elev skal byte skule, jf. § 8-1 fjerde ledd.

(5) Avgjerda til fylkesmannen er eit enkeltvedtak og kan påklagast etter reglane i forvaltningslova. Skuleeigaren har ikkje klagerett.

Enkeltvedtak kan vere aktuelt ved behov for bortvisning av elev eller ved skulebytte.

Sjå  www.nullmobbing.no for meir informasjon.

Skulefritidsordninga (SFO) er eit tilbod før og etter skuletid for elevar i 1. til 4. klasse og for elevar i 5. til 7. klasse med spesielle behov. Tilbodet gjeld også i skulen sine feriar. SFO er stengt fire veker i juli.

Sjå eigne sider med meir informasjon om SFO

Forskrift til opplæringslova seier at; «Kommunen skal tilby leksehjelp med til saman åtte timar kvar veke til elevar i grunnskolen. Dei åtte timane blir fordelt fritt på årstrinna slik kommunen avgjer.»

På Slåtten er timane fordelt kvar veke med ein time på 3. og 4. trinn og to timar på 5., 6. og 7. trinn.

Vi ynskjer ei sikker ordning for melding om fråvær.

§ 12- 1. Tryggleik for elevane

I tillegg til dei krav om førebygging av skade og ulykke som følgjer av andre lover og forskrifter, deriblant m.a. opplæringslova, dei delar av arbeidsmiljølova som er gjorde gjeldande for ulike opplæringssituasjonar og forskrift om miljøretta helsevern i barnehagar og skular m.v., gjeld dette:

1. Når skulen er ansvarleg for tryggleiken til elevane, må tilsynet i praksis vere forsvarleg i forhold til risikoen for at skade eller ulykke kan skje.

Når eleven ikkje kjem på skulen skal føresette:

• Gje melding i Visma-appen før kl. 08.30
• Oppgje årsaka til fråværet kvar dag eller for perioden i fråværet

Visma har ein app for telefon for å gjere kommunikasjonen
mellom heim og skule enklare.

Appen frå Visma heiter «Min skole – foresatt», og du finn den både på Google Play
og i App Store. Første gong du loggar på må du bruke ID-porten (t.d. Bank-ID). Seinare kan du gå inn på appen med sjølvvald kode eller fingeravtrykk.

Gjennom appen kan foreldre sende fråværsmeldingar til skulen. Meldingar om fråvær vil gå til kontaktlærar. Vi ønskjer at alle meldingar om fråvær skal kome på denne måten. Du kan og sende andre meldingar til skulen gjennom appen, og bestemmer då sjølv kven meldinga skal gå til. Fint om du lastar den ned og tek den i bruk.

Dersom kontaktlærar ikkje har fått melding frå føresette om fråværet, melder læraren frå til føresette eller administrasjonen innan kl. 09.30.

Opplæringslova § 2-3 a. Fritak frå aktivitetar m.m. i opplæringa

Skulegudsteneste

Skulen skal vise respekt for elevane og foreldra sine religiøse og filosofiske overtydingar og sikre retten til likeverdig opplæring.

Elevar skal etter skriftleg melding frå foreldra få fritak frå dei delar av undervisninga ved den enkelte skolen som dei ut frå eigen religion eller eige livssyn opplever som utøving av ein annan religion eller tilslutning til eit anna livssyn, eller som dei på same grunnlag opplever som støytande eller krenkjande. Det er ikkje nødvendig å grunngi melding om fritak.

Det kan ikkje krevjast fritak frå opplæring om kunnskapsinnhaldet i dei ulike emna i læreplanen. Dersom skulen på eit slikt grunnlag ikkje godtek ei melding om fritak, må skulen behandle saka etter reglane om enkeltvedtak i forvaltningslova.

Skulen skal ved melding om fritak sjå til at fritaket blir gjennomført, og leggje til rette for tilpassa opplæring innanfor læreplanen.

Det er kome ei presisering frå Udir vedrørande adventsgudsteneste i skuletida og fritak/val av andre undervisningsopplegg: «Foreldrene, eller den enkelte elev, hvis han eller hun er over 15 år, kan melde fritak om deltagelse i gudstjenester. Fritak omfatter også øving til deltagelse på gudstjenester.»

Opplæringslova § 2-4 Undervisningas i faget kristendom, religion, livssyn og etikk

Kristendom, religion, livssyn og etikk er eit ordinært skulefag som normalt skal samle alle elevar. Undervisninga i faget skal ikkje vere forkynnande.

Undervisninga i kristendom, religion, livssyn og etikk skal gi kjennskap til kristendommen, andre verdsreligionar og livssyn, kjennskap til kva kristendommen har å seie som kulturarv og til etiske og filosofiske emne.

Undervisninga i kristendom, religion, livssyn og etikk skal bidra til forståing, respekt og evne til dialog mellom menneske med ulik oppfatning av trudoms- og livssynsspørsmål.

Undervisninga i kristendom, religion, livssyn og etikk skal presentere ulike verdsreligionar og livssyn på ein objektiv, kritisk og pluralistisk måte. Dei same pedagogiske prinsippa skal leggjast til grunn for undervisninga i dei ulike emna.

For søknader om permisjon må ein logge inn på skole.visma.com/sunnfjord. Søknad om fri inntil to dagar kan kontaktlærar innvilge. Det er viktig at de tar kontakt med skulen for å få vite kva arbeid som må gjerast i fråværsperioden.

Opplæringslova §2-11: «……..Det er eit vilkår for retten (til permisjon) at foreldra sørgjer for nødvendig undervisning i permisjonstida, slik at eleven kan følgje med i den allmenne undervisninga etter at permisjonstida er ute.»

Skal barnet vere borte meir enn to veker, må søknaden handsamast av kommunalsjef.
Barnet blir då utskriven frå Slåtten skule i fråværsperioden.

Skulevegen

Alle har rett til å gå trygt til og frå skulen. Ingen har rett til å truge eller plage andre.  Du skal seie i frå om du ser at nokon ikkje har det bra på skulevegen.

FAU og skulen tilrår at du ventar med å sykle til og frå skulen frå 5. klasse dersom foreldra dine er samde i dette. Sykkelen set du i eit sykkelstativ. Du må bruke sykkelhjelm.

På skulen i friminutta

Vi svarar kvarandre pent og er hyggelege mot kvarandre, både barn og vaksne.

Du møter i rett tid til alle timar.

Alle har rett til arbeidsro i timane.

Du er ute i friminutta. Når det er dårleg vêr, kan rektor gi løyve til å vere inne i klasserommet.

I skuletida er du på skulen sitt område.

Om vinteren kan du og leike i akebakkane aust og vest for skulen, men ikkje lenger borte enn at du kan høyre skuleklokka.

Når du leikar ute, må ikkje leiken vere for vill.

Snøball kan du berre kaste mot oppsette blinkar.

Rullebrett, rullesko og rulleskøyter kan du berre bruke etter oppsett plan i Grindbygget.

Du kan bruke ballbanene etter oppsette lister.

Orden

Alle har ansvar for at undervisningsromma er rydda. 

Uteområdet held vi i orden etter oppsett plan.

Du må ta godt vare på bøker og utstyr du får på skulen.

For at vi skal ha det triveleg rundt oss, må vi stelle fint med skulen vår, innbuet og alt materiell. Vi må verne om plantar og grøntareal. Klassane har ansvar for orden på kvart sitt uteområde.

Godteri brukar du berre ved spesielle høve, og etter avtale med læraren.

Det er forbode å røyke, snuse og å bruke rusmiddel på skuleområdet.

Det er ikkje tillete med bruk av mobiltelefon på Slåtten skule.

Mobiltelefon eller anna elektronisk avspelings- eller kommunikasjonsutstyr skal vere avslått og ligge i sekken. Du har utstyret med på eige ansvar. Skulen er ikkje erstatningspliktig dersom utstyret vert vekke.

Dersom nokon bryt denne regelen, skal utstyret takast inn for resten av dagen. Ved gjentekne brot på regelen vert foreldra kontakta og utstyret utlevert etter avtale med dei.

Alle pliktar å sette seg inn i skulen sine lovar og reglement.

Om du bryt reglane

• Må du stå til ansvar for det du har gjort
• Må du erstatte ting som blir øydelagt
• Ved alvorlege brot på reglane kan rektor, etter å ha rådført seg med læraren din, ta avgjerd om bortvising frå undervisninga for enkelttimar eller resten av dagen. Foreldra dine skal varslast før det blir sett i verk bortvising for resten av dagen.

Reglar mot mobbing

Ingrid Lund har forska mykje på mobbing i barnehage og skule, og meiner at mobbing handlar om sosiale prosessar på avveg, noko som kan inkludere interaksjon både i det verkelege liv og på nett.

«Mobbing

Mobbing og andre krenkelser bør forstås både ut fra et individ- og systemperspektiv, og ses i sammenheng med individuelle og kontekstuelle forhold. Lund, Helgeland og Kovac (2017) definerer mobbing slik: 

Mobbing av barn er handlinger fra voksne og/eller barn som hindrer opplevelsen av å høre til,
å være en betydningsfull person i fellesskapet og muligheten til medvirkning. 

Fellesskapet er altså avgjørende, og dermed blir også de miljøbaserte tiltakene ekstra viktige, men samtidig trenger vi i de aller fleste situasjonene også å iverksette individbaserte tiltak.»

Vi mobbar ikkje andre!

Vi har rett til å bli respektert for den vi er, seie det vi meiner og kle oss slik vi vil.

Dersom ein av oss veit, eller trur, at nokon blir plaga, har vi plikt til å gripe inn, eller seie det til ein vaksen som kan gjere noko med det, eller stoppe mobbinga.

Dersom du føler deg mobba eller plaga, skal du seie frå til ein vaksen. Du kan be foreldra dine ta kontakt med skulen. Du kan også finne ein du stoler på og fortelje sjølv.

Alle har plikt til å bry seg!

STOPP-regelen

Mål: Alle elevar på Slåtten skule skal trivast og ha det godt

Vi ser at leiken ute nokre gonger kan bli for hard for enkelte elevar. Derfor har vi STOPP-regelen ved skulen.

Mål: Alle elevar på Slåtten skule skal ha det kjekt ute

Om leiken blir for vill, eller eg kjenner meg truga, skal eg vise handflata og seie «STOPP»

1. Eg skal lære å seie «STOPP» når andre blir plaga
2. Eg skal respektere at andre seier «STOPP»
3. Det er ikkje lov å tulle med regelen

Å tulle med regelen vil seie at aktiviteten ikkje stoppar når nokon har sagt «STOPP».

Brot på regelen har følgjande konsekvensar:

• Den som bryt regelen må gå med vakta neste friminutt.
• Dersom nokon bryt regelen fleire gonger same dag, vil kontaktlærar ha samtale med foreldra.
• Om det er usemje om kva som har skjedd, har kontaktlærarane samtale med dei elevane
  som har vore innblanda i hendinga.