1. Sande skule blir bygd etter dei planane og kostnadane som føreligg, med byggestart i februar 2026
2. Ny felles ungdomsskule blir ombygd etter dei planane og kostnadane som føreligg. Skulen skal vere klar til skulestart i 2026
3. Halbrend skule blir oppgradert med SFO og uteområde tilpassa ein barneskule frå skulestart 2026
4. Ungdomstrinnet og barnetrinnet ved Vassenden skule blir samla til ein kombinert skule  i barneskulebygget frå skulestart 2026
5. Tiltaka blir finansiert innafor ramma på 270 millionar kroner som er sett av i økonomiplanen til skuleformål. Justeringar mellom tiltaka blir ein del av arbeidet med økonomiplanen for 2026-2030
6. Kommunedirektøren får fullmakt til å disponere midlar mellom tiltaka ved behov for justeringar. Ved større endringar, eller avvik blir saka lagt fram for formannskapet for godkjenning. 

Samla sum til skuletiltak i økonomiplanen 270 millionar kroner

• Sande skule 199
• Ny felles ungdomsskule 41*
• Halbrend/SFO 3,5
• Førde barneskule 27 

*i tillegg kjem byggelånsrenter, prisstigning

Kommunestyret har vedteke at ungdomstrinnet ved Halbrend skule blir slått saman med Førde ungdomsskule, til ein ny felles ungdomsskule i bygget til tidlegare Hafstad vgs.

Det har blitt arbeidd med optimalisering og kostnadsreduserande tiltak mot måltalet på 49 millionar kroner. I planløysinga er det gjort mindre endringar, men grunnprinsippa er ført vidare. Kalkyle etter prisreduksjon er på 40,5 millionar kroner.

Reduksjon av kostnader:

• Det er ikkje krav til overrislingsanlegg i bygget
• Reduksjon av EL installasjoner og armatur
• Himlingar blir ikkje skifta i alle rom
• kostnader på VVS
• Byggekostnadane er redusert ved å optimalisere planløysinga
• Noko mindre til uteområde, men vi kan arbeide for å kompensere dette med midlar til nærmiljøanlegg.

Kvalitetar ved ny felles ungdomsskule

• Store klasserom som grunnlag for fleksible arbeidsformer og inkluderande praksis.
• Praktisk arbeid og praktisk estetiske fag får gode fasilitetar
• Fellesareal for samlingar og ute/inne aktivitetar
• Ein tilpassa spesialpedagogisk avdeling til unge med særskilte behov
• Uformelle møteplassar i gangområde
• Ein planløysing i samsvar med framtidige skulebygg, med rom for fleksible arbeidsformer, møteplassar og arena for praktisk arbeid.

Kommunestyret har vedteke at Førde barneskule blir flytta til Førde ungdomsskule sitt bygg, når bygget er klargjort for barneskule.

Førde ungdomsskule er delvis renovert etter brannen. Norconsult sitt alternativ på 27 millionar blir lagt til grunn.

Kommunedirektøren vil difor tilrå at ombygging av ungdomsskulen til barneskule blir sett til 27 millionar kroner.

Kommunestyret har vedteke at elevane Flatene skule blir flytta til Halbrend skule, når bygget klargjort for barneskule. Halbrend skule blir då ein skule med elevar frå 1–7 klasse.

Ved Halbrend skule skal det etablerast SFO og oppgradere uteområdet for 1.-4. trinn. Etablering av SFO og oppgradering av uteområde vil ikkje overstige ramma på 3,5 millionar kroner.

Norconsult as har sett på løysingar og to ulike framlegg er sendt ut til tilsette. Rapport vil vere klar til utsending med saka.

Kvalitetar ved Halbrend skule

• Det er gode kvalitetar i bygget og SFO kan bli  etablert innafor dei rammene som er i bygget i dag.
• Det kan bli etablert eigne SFO basar
• I tillegg er det tilgang på kjøkken, gymsal og garderobar
• Utområde kan bli etalert og det er rom for å utvikle gode kvalitetar i uteområdet.

Kommunestyret har vedteke at Vassenden skule blir samla i eitt skulebygg frå hausten 2026.

Det er gjennomført gjennomgang av bygget og ei skisse til romplan. Det er ikkje avdekka større behov for investeringar. Eventuelle kostnader til flytting og montering av utstyr kjem ikkje inn under investeringar. Oppgradering av IKT er eit behov skulen har uavhengig av flytting. Oppgraderinga må vi sjå i samanheng med investeringar i IKT i skulen. 

Behov ved Vassenden skule 

• Flytte utstyr og montere opp spesialutstyr
• Organisering av sjølve flytteprosessen
• Behov for oppgradering av nettverk, flytte nettverksutstyr
• Uteområdet på skulen er under arbeid i dag

Kommunestyret har vedteke ei oppgradering av Sande skule med nybygg og rehabilitering av eksisterande bygg. Det samla økonomiske ramma vart sett til 200 millionar kroner.

Totalkostnad for prosjektet 199 millionar kroner. fordelt på byggekostnader 167 millionar kroner og andre kostnader som uteområde og midlertidig drift av skulen 32 millionar kroner.

Endringar for å ta ned kostnadane ved Sande skule

• Reduksjon av nybygg gjennom større andel av ombygging og bevaring. Arealet er redusert med 283 kvadratmeter.
• Endring av oppvarming frå bergvarme til reversibel luft/vann varmepumpe.
• Fjerning av solceller men tilrettelegging for eventuelt seinare installasjon på nybygg.

• Kvalitet og kapasitet i Sunnfjordskulen tiltak for omstilling og innsparing
• Vedtak – Kvalitet og kapasitet i Sunnfjord skulen i kommunestyret 27. mars 2025
• Behandling – Ny ungdomsskule på Hafstad i formannskapet 3. oktober 2025
• Vedtak – Årsbudsjett, økonomi- og handlingsplan 2025–2028 i kommunestyret 13. desember 2024
• Vedtak – Val av modell for utbygging og rehabilitering av Sande skule i kommunestyret 21. september 2023
• Presentasjon – Oppfølging av vedtak for framtidas skule i formannskapet 23. oktober