Kontaktinformasjon og opningstider

• Telefon: 45 97 92 01
• Opningstid: 07.00–16.30

Tilsette ved SFO :

• Jorunn Mundal Solheim, dagleg leiar SFO/kontor
• Lisbeth Nydal, barne- og ungdomsarbeidar sfo/skule
• Sissel Sørøy, assistent sfo/skule
• Britt Røyseth, barne og ungdomsarbeidar sfo/skule
• May Linn Solibakke, barne og ungdomsarbeidar sfo/skule

Påmelding til SFO

Du søker på felles opptak i Sunnfjord kommune. Hovudsøknadsfristen er 1. april, men det er mogleg å søke om plass heile året. Bruk Bank-Id.

Søk om SFO-plass 

I tillegg må du fylle ut eit påmeldingsskjema til SFO Bygstad skule.

Om SFO på Bygstad skule

SFO skal legge til rette for leik, kulturaktivitetar og sosial læring. Hjelpe borna med å utvikle toleranse, ha omsorg for andre, og ein skal gje allsidige leike- og aktivitetstilbod. 

Grunnhaldninga til SFO ved Bygstad skule, er at dette er borna si fritid, og vi vil ikkje organisere den for mykje. 

Tilrettelagde og vaksenstyrte aktivitetar

• Matlaging: Vi vil prøve å legge opp til sunn kost, men vikan kose oss med noko godt inni mellom. Døme på mat vi lagar på SFO: rundstykke, grove scones, grove vaflar, bollar, kakao, supper og ymse typar graut. 
• Forming: ulike aktivitetar, vi nyttar ulike formingsmateriell: til dømes leire, trolldeig og tre. Borna har og tilbod om å veve, male, sy, teikne. Forming knytt til høgtider.
• Kroppsøving: Balleikar, sangleikar, tur og fri leik.
• Tur: Gå turar i nærmiljøet

Mat i løpet av SFO-dagen 

• Frukost: Borna kan ete frukost på SFO. (Drikke til frukost må dei ha med seg sjølv.) Frukost på SFO er mellom 07.00 til 08.15.
• Etter skuletid: Har borna behov for mat etter skuletid kan dei få ete mat som dei har med seg.
• Frukt på SFO (onsdag): Vi legg opp til fruktstund på onsdagar, flott om alle har med ei frukt eller ei grønsak.

Andre praktiske opplysningar

• Klede: Borna bør ha liggande klesskifte på SFO eller skulen. Er det dagar med ustabilt vêr, bør borna ha med støvlar og regnklede.
• Leikar: Vi har leikar på SFO. Borna skal difor ikkje ha med leikar heimanfrå.
• Rydding: Foreldre kan godt minne borna på at dei ryddar på plass det dei leikar/ arbeider med før dei går heim for dagen.
• Bringing/henting: Onsdagar: Om barnet ikkje kjem på SFO, må de ringe og gi beskjed før 09.30. Når borna går for dagen, må dei sei ifrå til ein vaksen at dei vert henta.