Barnehagen har fått midlar frå statsforvaltaren

Vie barnehage fekk midlar i juni 2019 og jobba då med uteleiken. Våren 2023 søkte vi midlar knytt til spesialpedagogikk. Sommaren 2023 fekk barnehagen 231 000 kr. til å jobbe med kompetanseheving knytt til spesialpedagogikk. Gjennom heile prosjektperioden samarbeida vi tett med Høgskulen på Vestlandet (HVL), avdeling Sogndal.

• Statsforvaltaren.no – Regional ordning for barnehagar

Etter ei spørjeundersøking i personalgruppa kom det fram at dei tilsette ville lære meir om språkutvikling, og om språkmateriell vi har i barnehagen. Problemstillinga blei: Korleis jobbe for at alle barn i Vie barnehage får ei god språkutvikling, og korleis bruke ressursane vi har (både vaksne og det materialet vi har kjøpt). 

Dei tilsette har på fellesmøte fått opplæring på:

• kva er normal språkutvikling?
• korleis nytte det pedagogiske verktøyet snakkepakken og mattekista i samling og aktivitetsgrupper?

I tillegg har HVL hatt forelesing for personalet om språkutvikling,  fleirspråklege barn, høgtlesing og språk og kjønn.

I haust har vi valt å jobbe avdelingsvis, og problemstillinga er: Korleis sikre at alle barn i Vie opplever eit godt språkmiljø med ressursane vi har (vaksne og materiell) ?  På planleggingsdagen 01.11.2024 jobba vi med tema og mange av avdelingane valte høgtlesing som tema. Vi gleder oss til å få meir kompetanse på tema.