Detaljreguleringsplan for Astruptunet med visningssenter – høyring

Detaljreguleringsplan for Astruptunet med visningssenter er lagt ut på høyring. Du kan sende dine innspel fram til 28.juli 2026.

Kort om planen

Planområdet ligg langs sørsida av Jølstravatnet og er ca. 213 dekar

Formannskapet vedtok å sende planen til høyring og offentleg ettersyn i møte 20.mai 2026.

Føremål med ny reguleringsplan er å sikre areal til nytt visningssenter og galleri, ta vare på eksisterande tun og leggje til rette for tilkomst og parkering i samband med drift av Astruptunet. Sunnfjord kommune er planfremjar, medan Asplan Viak AS har utarbeidd plandokumenta i samarbeid med arkitekt-gruppa som vann arkitektkonkurransen for visningssenteret (Erik Langdalen arkitektkontor, Studio Coates og Bjørbekk & Lindheim Landskapsarkitekter).

Utover det inngrep som nybygget vil gje, har det vore arbeidd ein god del med å unngå vesentleg ny fylling i Jølstravatnet, og skjering på innsida av fylkesvegen (Fv451) i planområdet. Rassikring og fråvik frå vegnormalen har vore vesentlege problemstillingar i planprosessen.

Vedtak av ny detaljreguleringsplan vil erstatte eldre reguleringsplan for Astruptunet med PlanID 4647-14311994001.

Figur 1: Forslag til plankart med omsynssoner datert 30.04.2026 (utarbeidd av Asplan Viak)

Figur 2: Oversiktsteikning med planlagde tiltak, inkludert skredvoll og antatt plassering av nedgravd høydebasseng (Skisse Bjørbekk og Lindheim AS).

Sjå viktige dokument i saka

Sjå alle dokument frå politisk handsaming

Sei di meining innan 28. juli

Kommunen inviterer innbyggarar og andre aktørar til å seie si meining om planen. Fristen for å sende inn innspel er 28. juli 2026.

Du får ikkje svar på innspelet ditt, men alle innspel blir lagt ved i den vidare saksbehandlinga. Innspel som blir sendt inn blir offentleg tilgjengelege på nettsida, med mindre dei inneheld sensitive data. Brukar du e-post, vil e-postadressa di bli offentleg tilgjengeleg.