Ei mengd dyktige fagfolk og ekspertar har jobba med å føre tunet mest mogeleg tilbake til slik det kan ha vore då kunstnaren Nikolai Astrup og familien budde her i byrjinga av førre hundreår. Bygningane er restaurert og sett i stand. Det enorme plantemangfaldet til Astrup byrjar å bli attskapt. Murar og torvgardar er bygd opp att. Inventaret i husa er likare Astrup si tid.

Ordførar Jenny Følling si tale

Dykkar Majestet, kjære Astrups vener!
Hjarteleg velkomne til opninga av det nyrestaurerte Astruptunet.
Det er stort å stå her og skue utover Sunnfjord og Jølster sin juvel.
Vi set umåtelig stor pris på at Dronning kjem hit for gjenåpne Astruptunet

Her bygde ein av Norges fremste kunstnarar gjennom tidene opp sin heim, og det er viktig for Sunnfjord kommune å bevare minne om han. Astrup er ein skatt som det er viktig for Sunnfjord å ta vare på, og det set oss på kartet.

Astruptunet har fått ei skikkelig ansiktsløfting, og det er eit solid stykke faglig arbeid som er utført. No er det om lag slik det var den gongen Astrup gjekk rundt her i tunet. Og om Nikolai og Engel Astrup hadde kunne vere her i dag, så er eg sikker på at dei hadde dei vore veldig stolte over resultatet.

Landskapsarkitekt Ingeborg Mellgren Mathisen har hatt ansvar for hageprosjektet og har vore avgjerande for det gode resultatet. Med hennar sterk fagkunnskap, og store engasjement – og ikkje minst kjærleik til prosjektet - så har resultatet blitt magisk.

Grundigheit og samarbeidsvilje har prega alle som har vore involverte i rehabiliteringa gjennom 9 år, og Sunnfjord kommune har bidratt med å restaurere husa i tunet. Det har vore avgjerande at Jølster kommune i si tid kjøpte eigedommen.

DnB stiftelsen har vore ein viktig støttespelar i dette arbeidet. Anders Bjørnsens sin genuine interesse for Astrups kunst, og DnB sine finansielle musikalar har vore avgjerande for at Hageprosjektet kunne realiserast. Takk for dykkar store innsats!

Astruptunet er heilt grunnleggande for Astrup sin kunst. Det var i desse kulissene han skapte sine kunstverk. Og når vi er her - så er det som å stå midt i Astrup sine bilde. Hans kunstverk og Astruptunet har eit stort potensiale og er ein stor skatt.

Tunet er ikkje eigna for masseturisme. Her eit sårbart kulturmiljø som er viktig å ta vare på. Difor jobbar Sunnfjord kommune med å få på plass eit visningssenter for å syne fram Astrup sin kunst og kunstnarheim.

Sunnfjord kommune har nyleg gjennomført ein arkitektkonkurranse for Visningssenter i Astruptunet, og det har vore ein enorm interesse. Vi fekk inn heile 162 ulike forslag. Juryen har jobba intenst for å finne fram dei prospekta som skal gå vidare. Målet er at dette arbeidet skal vere ferdig i løpet av 2024.

Astrup sin kunst har stor interesse Nasjonalt og Internasjonalt. Det var stor glede då Sparebanken Sogn og Fjordane sikra seg to nye originalbilde til nyopninga av Astruptunet. Snakk om perfekt «timing».

Det er viktig for Sunnfjord å vise fram det vi er stolte av. Nyopninga av Astruptunet er ein viktig milepel, og eg ser fram til den vidare utviklinga.

Dykka Majestet, dette er ein stor dag for oss. Dette er ein stor dag for Norsk kunst og kulturliv.

Gratulerer med dagen!

Bilder frå opningsdagen