• Plassering av bygning er i strid med regulert byggegrense 
• Bygging i strid med arealføremålet landbruk-, natur og friluftsområde (LNF) 
• Bygging nær veg 
• Tilbygg eller byggverk nærare nabogrense enn 4 meter 
• Bygningen vert høgare enn krav i arealplan 
• Utnyttingsgrada for eigedomen vert overskriden 
• Bygningen eller tiltak nær sjø eller vassdrag

Du kan søke om dispensasjon saman med byggesøknad, eller som eigen søknad. Søknad om dispensasjon skal vere grunngjeven på eige skriv. Du må og nabovarsle at du søker om dispensasjon.  

1. Dispensasjon må vere grunngjeve og du skriv det som eit brev. Du må skrive kva du søker dispensasjon frå, og kvifor du bør få det. 
2. Ta gjerne med fordelar og ulemper som følgjer av dispensasjonen. 
3. Dispensasjon må bli nabovarsla slik som vanleg byggesøknad. Du kan gjerne søke dispensajon samstundes med byggesøknaden.
4. Dersom du søker om dispensasjon utan byggesøknad må du legge ved ei enklare teikning og situasjonskart som illustrerer kva du vil bygge.
5. Vi må ha kvittering på at nabovarsel er mottatt.

Dersom det er eit større og komplisert byggetiltak bør du søke om dispensasjon som eigen søknad. Dersom du ikkje får innvilga dispensasjon har du då ikkje brukt tid og pengar på å engasjere eventuelle føretak og arbeid for søknaden.

Dersom byggetiltaket treng dispensasjon frå fleire føresegner søker ein om dette i same søknad. I søknaden bør ein vere tydeleg på kva ein søker dispensasjon frå.

Om du skal bygge hus, bod, garasje, mur, trapp eller anna fast konstruksjon nærmare enn 15 meter frå senterlinja til kommunal veg, må du søke om dispensasjon. Dette gjeld dersom eigedomen din ikkje inngår i noko reguleringsplan.

Slik søker du 
For å søke om dispensasjon langs kommunal veg kan du bruke det elektroniske søknadskjemaet på heimesida til Statens vegvesen

For at søknaden skal bli handsama må den innehalde: 

• Ei skildring av det du skal bygge 
• Situasjonskart som viser plasseringa av tiltaket. Teikn ei målsatt linje frå det du skal bygge til midten av vegen 
• Dersom tiltaket vil påverke sikt i ei avkøyrsle eller langs vegen må du teikne inn frisikt i avkøyrsla

Søknad om dispensasjon blir fakturert etter prisboka til Sunnfjord kommune.

Sjå prisliste for Sunnfjord kommune

Kommunen har ein handsamingsfrist på 12 veker for handsaming av dispensasjonar. Fristen går ikkje den tida søknaden ligg til uttale hos regionale og statlege mynde.

Ein dispensasjon kan vere varig eller mellombels. Dersom den er mellombels vil det gå fram av søknaden og eller vedtaket om dispensasjon.

Dispensasjon har ein varigheit på 3 år etter at løyvet er gjeve. Tiltaket som det er gjeve dispensasjon for må då vere sett i gang seinast innan 3 år etter det blei gitt slik dispensasjon. Det same gjeld dersom tiltaket stansar i meir enn 2 år.