Deling 

Dersom eigar av ein landbrukseigedom ynskjer å overdra delar av eigedomen til andre, til dømes ei tomt, må det søkjast om løyve deling etter jordlova. Søknad om løyve til deling av landbrukseigedomar skal sendast til kommunen der eigedomen ligg. Kommunen avgjer søknaden. Vedtaket kan påklagast til Statsforvaltaren i Vestland.

Korleis søkje

Det fins ikkje søknadsskjema for å søke deling etter jordlova. Du sender en open søknad,  elektronisk eller på e-post til postmottak@sunnfjord.kommune.no, 

Søknaden må innehalde gards og bruksnummer, og en situasjonsplan som syner korleis tomta kan byggast ut, her ønsker vi at du teiknar opp kvar du ønsker dei nye grensene skal være i eit kart. Situasjonen må syne eksisterande eigedomsgrenser, eksisterande bygningar og vegtilkomst. Søknaden skal i tillegg innehalde en grunngjeving på kvifor du ønsker å dele av eigedomen, og kvifor du vil dele den opp på den måten du har teikna opp, som blir vurdert opp etter jordloven, da spesielt §12 om deling.

Lenkjer til jordlova, og om rundskrivet om driveplikt, omdisponering og deling liggjar lengre nede på sida.

Skal dyrka jord takast i bruk til andre formål enn jordbruksproduksjon, eller skal dyrkbar jord takast i bruk slik at ho ikkje vert eigna til jordbruksproduksjon i framtida, kan samtykke til deling ikkje givast utan at det er gitt samtykke til omdisponering etter § 9. Sjå paragrafen om omdisponering under. Denne søknaden kan sendast samtidig som delingssøknaden. Her er det viktig med god grunngjeving for omdisponeringa.

Du må også søke deling etter plan- og bygningsloven, her finn du meir informasjon om deling av eigedom.

Les meir om deling på Landbruksdirektoratet si nettside

Om Vurderinga

Ved avgjerd av om samtykke til deling skal givast, skal det leggjast vekt på om delinga legg til rette for ein tenleg og variert bruksstruktur i landbruket.

I vurderinga inngår mellom anna:

• Omsynet til vern av arealressursane
• Om delinga fører til ei driftsmessig god løysing
• Om delinga kan føre til drifts- eller miljømessige ulemper for landbruket i området.

Det kan leggjast vekt på andre omsyn dersom dei fell inn under formålet i jordlova.

Moment som vi vanlegvis vurdera, og som talar mot deling kan være:

• Deling innanfor dyrka mark og skog
• Deling midt på eit tun
• Deling som treng vegtilkomst som splitter opp dyrka mark, skog eller tun
• Deling som kan føre til drifts- eller miljømessige ulemper for landbruket i området

Spørsmål

Ved spørsmål knytt til søknad om deling etter jordloven, kontakt avdeling for landbruk og miljø via e-post eller telefon, kontaktinformasjonen ligg nedanfor.

Dersom eigar av landbrukseigedom ynskjer å omdisponere delar av dyrka eller dyrkbar jord, til dømes ved å setje opp bilgarasje, må eigar søkje om løyve til omdisponering. I utgangspunkt er det forbod mot å omdisponere dyrka eller dyrkbar jord, men kommunen kan gje dispensasjon i særlege høve.

Korleis søkje?

Du sender grunngitt søknad til kommunen. I søknaden opplyser du kva som er føremålet med omdisponeringa, kvifor det er naudsynt å omdisponere, og oppgjev storleiken på arealet du vil omdisponere. Du sender kart der arealet du ynskjer å omdisponere er avmerka.

Meir informasjon

Les meir om omdisponering på Landbruksdirektoratet si nettside

Grunneigar har driveplikt på jordbruksareal. Jordbruksareal er fulldyrka jord, overflatedyrka jord og innmarksbeite. Driveplikta kan oppfyllast ved vekkleige. Jordleigeavtalen skal vere skriftleg, og gjelde for 10 år om gongen. Du skal sende kopi av jordleigeavtale til kommunen. 

Meir informasjon

Les meir om driveplikt på Landbruksdirektoratet si nettside