Sunnfjord kommune ynskjer å ta ei aktiv rolle i markeringa av Landslova ved å utvikle eit jubileumsprogram med utgangspunkt i livssoga og arbeidet til baron Audun Hugleikson frå Ålhus i Jølster. I ei utstrekt samskaping mellom forvalting og utdanning, profesjonelt og frivillig kulturliv og lokale lag og organisasjonar arbeider vi etter fylgjande målsettingar for jubileumsprogrammet:
• Fremje historie- og samfunnskunnskap og kulturforståing.
• Fremje bevaring, forsking og formidling knytt til mellomalderhistoria vår
• Utvikle demokrati og medverknad på ulike læringsarenaer
• Skaffe og bruke kunnskap om historie og stadutvikling i samfunnsutviklinga.
I Sunnfjord kommune er det sett ned ei jubileumsnemnd som er organisert i ei styringsgruppe og ei arbeidsgruppe. Einingsleiarane for bibliotek, kultur og ungdom og Sunnfjord kulturskule arbeider saman med representantar for Teater Vestland, Sogn og Fjordane kunstmuseum, Musea i Sogn og Fjordane, Rom for ord, kyrkjene i Sunnfjord, lokale folkeakademi, grendelag og andre med kompetanse og engasjement for emnet. Jubileumsnemnda arbeider under leiing av kommunalsjef for kultur og idrett, Anita Nordheim.