Psykisk helsehjelp er eit gratis lågterskeltilbod for alle over 18 år. Tek du kontakt med oss vil vi saman med deg vurdere dine behov for å sikre eit målretta helsetilbod. Vi jobbar ut i frå kva som er viktig for deg og prøver møte deg raskt. Det er viktig at du sjølv har eit ønske om endring. 

Vi som jobbar i tenesta har ulik fagbakgrunn med erfaring og vidareutdanning innan psykisk helse og rus. Teamet har erfaring og kunnskap om ulike tilnærmingar og metodar. Tilbodet ytast både i gruppe og individuelt. Uavhengig av type oppfølging vil du ha ein kontaktperson i tenesta. Verknad og effekt av helsetilbodet, sett opp mot dine mål, følgast opp gjennom heile forløpet.  

Vi nyttar eit verktøy for sjølvrapportering for å sikre deg målretta teneste   

• Informasjon om Norse Feedback
   

Samarbeid med individuell jobbstøtte (IPS Sunnfjord) 

 IPS er eit tilbod til personar over 18 år, som har psykiske utfordringar eller rusproblem og får oppfølging av tenesta psykisk helse og rus. Du må ha eit ønske om å jobbe eller kome i utdanning for å delta i IPS.  

IPS er eit samarbeid mellom NAV og helstenesta. Du får tilpassa hjelp ut frå interessene og jobb- og/ eller utdanningsønska dine. 

 Ein jobbspesialist, som er ein del av oppfølgingsteamet ditt, følger deg opp i samarbeid med kontaktperson i PHR. Målet er å hjelpe deg med å kome ut i jobb eller utdanning, og følge deg opp etter at du har starta i jobben eller begynt på utdanninga. 

•  Individuell jobbstøtte (IPS) - nav.no 

• Psykisk helse og rus  57 72 60 70
• Assisterande einingsleiar Psykisk helse og rus, ambulant team    97 76 90 89
• Assisterande einingsleiar Psykisk helse og rus, avdeling Prestebøen og Vassenden  91 39 23 21

Slik søker du

Du treng ikkje tilvising og kan sjølv ta kontakt. Vi nyttar ei digital kartlegging som sjølvtilvising. 

Gå til kartlegging

Når du har fylt ut kartlegginga har du tilvist deg sjølv til tilbodet vårt. Den breie kartlegginga vil hjelpe tenesta til å forstå på kva du har behov for.  Du kan lagre undervegs og halde fram seinare. 

Korleis blir tilvisinga behandla og kor lang tid tek det? 

Når du har sendt inn skjema vil vårt mottakssenter vurdere så raskt som mogleg rett tilbod for deg.  Du vil få ein sms med informasjon om tilbod om teneste. Skulle det vise seg at du ikkje er i målgruppa vil vi ta kontakt for eventuelle råd og rettleiing vidare. 

Treng du hjelp til å fylle ut kartlegginga eller har andre spørsmål til søknad om tilbod, er du velkomen til å ta direkte kontakt; 

Mottakssenter psykisk helse og rus 
telefon: 57 72 60 90, tysdag og torsdag klokka 10–13

Kva kostar det?

Tilbodet er gratis. 

Aktuell informasjon

• Helsepersonell er underlagt taushetsplikt og har opplysningsrett jf. Lov om helsepersonell kap.5 
• Helsepersonell har dokumentasjonsplikt jf. Lov om helsepersonell kap.8 

Kan du klage på tilbodet?

Dersom du er misnøgd med tilbodet, kan du klage til tenesta innan ein frist på fire veker frå du fekk tilbodet. Forklar kva du er misnøgd med, og kvifor du meiner at tilbodet bør bli endra. 

• Les meir om klagerettar 
   

Send klage til: 
Sunnfjord kommune 
v/ Psykisk helse og rus 
Postboks 338 
6802 Førde