Det var lagt fram ei orientering om korleis kommuneadministrasjonen såg føre seg å følgje opp vedtaket frå kommunestyret. Formannskapet gjorde følgjande vedtak:

1. Administrasjonen held fram med analysearbeidet som presentert. Faktagrunnlaget må utarbeidast på ein slik måte at det er lett å oppdatere med nye talgrunnlag.

2. Vidare prosess vert å ta stilling til når faktagrunnlaget ligg føre.

Prosjektgruppa reiser ut til alle skular. Der gjennomfører ein møter med tilsette og skuleleiing. Deretter har ein møter med FAU.

I møtet legg vi fram ei tenesteanalyse for skulesektoren, og syner framskrivingar av folketalet i kommunen. Deretter nyttar vi ein intervjuguide med drøftingar knytta til pedagogiske- og organisasjonsmessige forhold, samt skulens betydning for lokalsamfunnet. 

Innspela blir ein viktig del av kunnskapsgrunnlaget og sikrar medverknad frå involverte partar.

Gregory Idehen