Ved sjukdom som influensa, forkjøling, feber, omgangssjuke, alt som vanlegvis medfører eit fråvær på alt frå 1-2 dagar til 8-10 dagar.

Ein melder om at ein skal i gravferd, som gir gyldig fråvær.

Ein kan melde om tannlege når ein har timar hos vanleg tannlege og tannpleiar.

Gjeld opphald på sjukehus i samband med t.d. utgreiingar, operasjonar og førebuing til slike, vanlege timar i spesialisthelsetenesta, t.d. BUP, kjeveortoped (t.d. i samband med regulering), men og timar hos PPT, fysioterapeut og andre spesialiserte tenester- der det føreligg dokumentasjon på time og behov.

I saker der det er etablert fråværsproblematikk skal fråværet førast her. Det kan vere langvarig fysisk (t.d. ME) og psykisk (t.d. angst) sjukdom, samt fråvær der eleven seier dei ikkje greier å gå på skulen (t.d. mobbing, ADHD/AS/Tourette, manglande trivsel og/eller meistring, osb.) Skule-heim samarbeid skal vere etablert og ha fokus på trygging og meistring. Førsette og skule har her høve til å gjere avtaler om at fråværet vert ført samla t.d. ein gong i veka for å minske påkjenninga på føresette. Lærar kan etter avtale føre fråværet for føresette, avtalen skal ligge i elevmappe/stafettlogg.

I tilfeller der eleven er under utgreiing i helsevesenet og/eller ppt, og ein mistenkjer at fråværet er knytt til årsakene for utgreiinga, skal fråværet førast her. Vert fråværet langvarig utan at ein greier å finne fram til forklaring skal føringa flyttast til «ufrivilleg skulefråvær». «Anna» er såleis ei midlertidig løysing og skal berre bli brukt i ein overgangsperiode. Skulen skal umiddelbart ta kontakt med heimen dersom føresette legg inn «annet» som fråvær.
I tilfeller der eleven er tilstades på skulen men ikkje deltek i den ordinære undervisninga skal det førast her, men med merknad «klasseromsfråvær». (Dette gjeld ikkje elevar med vedtak)

Gyldig fråvær er fråvær som kan dokumenterast av/med:

• føresette
• helsevesen
• søkte og innvilga permisjonar, t.d. i samband med deltaking i nasjonale/internasjonale stemne/arr. i regi av politikk/kultur/idrett og/eller møte/arr. i samband med verv
   

Barnet mitt skal delta i NM. Kan barnet få permisjon?

Barnet mitt er invitert med på treningssamling og treng fri i to dagar. Kan eg få permisjon?

Ugyldig fråvær er fråvær som ikkje er dokumentert eller fråvær der søknad om permisjon er avslått.

Fråvær skal meldast inn snarast. Planlagt fråvær meldast så snart ein veit om det (tannlege, gravferd eller liknande). Føresette opprettar dialog med kontaktlærar dersom fråværet vert langvarig.

Føresett skal melde inn fråvær kvar dag.

Velferdspermisjon søker ein om på førehand.

Fråvær som ikkje vert meldt inn vert ført som ugyldig fråvær. Kontaktlærar tek vidare kontakt med heimen.

Dersom eleven er vekke i enkelttimar i løpet av dagen utan at det er meldt frå vil lærar snakke med eleven ved første høve.
Kontaktlærar vil endre ugyldig fråvær til gyldig ved godkjend dokumentasjon.

• Eleven har  udokumentert fråvær frå enkelttime/enkeltdag.
• Skulen oppdagar eit mønster i fråværet, t.d. ved faste dagar/timar i veka, fag, lærarar, aktivitetar.
• Eleven har dokumentert fråvær meir enn 2 enkelttimar og/eller to enkeltdagar over ein 2-vekersperiode og ein ser at dette gjentek seg.
• Eleven har meir enn to forseintkoming til timar over ein 2-vekersperiode.
• Eleven har ikkje møtt på skulen over lengre tid.

Vi kan oppleve dette som vel detaljert då det for dei aller fleste elevar er snakk om heilt vanleg sjukdom, legetimar og liknande. Det er i denne fasen vi kan fange opp dei som står i fare for å utvikle meir alvorleg fråvær. Merk at kontakt med heimen ikkje automatisk betyr at ein er redd for auka fråvær, men vi lyt starte før vi er uroa for å fange opp dei elevane som er i startgropa. Har ein same rutinar overalt vil det og trygge elevar og føresette.