Foleldreundersøkinga viser at foreldre er fornøgd med tilbodet dei får i kommunale barnehagar. I ein skala frå 1-5 ligg resultatet samla for dei kommunale barnehagane mellom 4,2 til 4,8. Vi får lågast skår på ute- og innemiljø og medverknad, og høgast skår på barnet sin trivsel og barnet si utvikling. 

Sunnfjord kommune ligg samla sett innanfor krava i lovverket både i forhold til bemanningsnorm og pedagognorm. For bemanningsnorma er det 5,5 barn per vaksen i barnehagen og for pedagognorma er det 12,2 barn per pedagog i 2023.

Folketalsframskrivingane viser at kommunen har nedgang i barne- og elevtal, og at det er ein auke i tal eldre. Kommunen må omstille seg for å møte eit endra tenestebehov i framtida. Vi må sjå på kva grep vi kan gjere for å sikre gode tenester i Sunnfjordbarnehagen med endra vilkår som følge av demografiutviklinga.