Demografi handlar om korleis samansetninga av befolkninga er i eit samfunn. Faktorar som ligg til grunn for å beskrive og forklare samansetninga er:

• befolkninga sin storleik
• alders- og kjønnsfordeling
• geografisk fordeling
• fødsel
• død
• migrasjon (flytting)

Korleis befolkninga er samansett påverkar utgiftsbehovet vårt, kva tenester vi må styrke eller redusere. Utgiftsbehovet vi har påverkar inntektene vi får frå staten.

Sunnfjord kommune har i fleire år hatt ein høg andel barn og unge, og det har vore behov for å styrke barnehagar og skular meir enn det som er vanleg elles i landet. Dette bilete er i ferd med å endre seg.

Den demografiske utviklinga i Sunnfjord kommune viser at det blir færre barn og unge i kommunen samtidig som tal eldre blir større. Utviklinga i demografien i kommunen fører til at behovet for tenester endrar seg. Demografiutviklinga er sentral nå vi skal planlegge våre tenester for framtida.

Demografien i Sunnfjord kommune endrar seg dei neste åra. I framtida vil det vere færre barn og unge og fleire eldre. 

Demografien påverkar utgiftsbehovet i dei ulike tenestene i kommunen. Korleis samansetninga av innbyggarane i Sunnfjord kommune blir i framtida påverkar dei frie inntektene kommunen får frå staten.

Framskriving delt inn i ulike aldersgrupper 2024-2050

SSB 13600: Framskrevet folkemengde 1. januar, etter region, alder, år og statistikkvariabel, middels vekst.

Vi har henta ut historiske tal frå rapporteringssystemet Basil til Utdanningsdirektoratet (Udir) for perioden 2008-2023. Desse tala rapporterer barnehagane årleg. Tala syner korleis utviklinga har vore i perioden, og grafane under syner samla for både kommunale og private barnehagar, kommunale barnehagar og private barnehagar. 

Historiske barnetal i Sunnfjord kommune, både kommunale og private barnehagar

Kjelde: Basil, Utdanningsdirektoratet sitt rapporteringssystem 

Historiske barnetal i kommunale barnehagar i Sunnfjord kommune

Kjelde: Basil, Utdanningsdirektoratet sitt rapporteringssystem 

Historiske barnetal i private barnehagar i Sunnfjord kommune

Kjelde: Basil, Utdanningsdirektoratet sitt rapporteringssystem 

Framskriving 2024-2050

SSB 13600: Framskrevet folkemengde 1. januar, etter region, alder, år og statistikkvariabel middels vekst.

I 2023 er det 1 232 barn som går i barnehage i kommunen. Dei er fordelt på 27 barnehagar, der 19 er kommunale og 8 er private. 

Barnetalet i alderen 1-5 år hadde sitt toppår i 2014 i Sunnfjord kommune, då var det 1 399 barn som gjekk i barnehagen. Sidan 2014 har det vore ein jamn nedgang i barnetalet og den vil fortsette i åra framover slik framskrivingane er for aldersgruppa. Frå 2014 og fram til 2023 er det blitt 167 færre barn i barnehagen. 

Framskrivinga av tal fødte barn i Sunnfjord kommune er det eit gjennomsnitt på 228 barn per år i perioden 2024-2050 med middels vekst. I 2023 blei det født 218 barn i Sunnfjord kommune som er noko lågare enn framskrivingane i åra framover.

Framskriving av tal fødte barn i Sunnfjord kommune 2024-2050

SSB 13605: Framskrevne befolkningsendringer, etter region, alternativ, år og statistikkvariabel, middels vekst.