Det kan vere stor skilnad på barn og kor lang tid dei brukar i tilvenningsperioden. Igjennom dei første dagane og eventuelt vekene vil foreldre i samband med personalet avtale korleis prosessen skal vere frå dag til dag. 

Her er slik vi ofte ser for oss dei første dagane:

• Dag 1: Foreldre er med barnet på avdeling i barnehagen. Første dag er barn og foreldre i nokre timar (3-4 timar). 
• Dag 2: Foreldre og barnet/barna er litt lengre i barnehagen. Foreldre kan trekke seg litt ut av avdeling i periodar. 
• Dag 3: Foreldre trekker seg i lengre periodar ut av avdeling. Barnet er med på aktivitet, måltid, sover (visst barnet skal sove), frukt og anna.
• Dag 4 og framover: Foreldre levere barnet/barna og reiser frå barnehagen. 

Bytteklede inne i tørrgarderoben:

• Bukse
• Genser
• Strømpebukse / stillongs
• Ull-undertøy eller liknande når det vert kaldt ute.
• Body / t-skjorte + truse
• Sokkar
• Tjukke sokkar
• Tøflar / innesko

Ute i våtgarderoben:

• Dress som passar til årstida
• Regnklede
• Ull og fleece til å ha under dress\regnkleda
• Støvlar og gode sko
• Hue (gjerne ei tynn og ei tjukkare)
• Vottar (regnvottar og vanlege vottar)

Inne på badet for dei som brukar bleie:

• Bleier med opning i sidene (ikkje UP&GO)
• Våt- eller tørrserviettar
• Sinksalve eller liknande

For dei som søv i barnehagen:

• Vogn til å sove i
• Myggnett
• Teppe / pose til vogna
• Smokk og/eller kos om barnet brukar

Vi sender med våte og skitne klede heim. Hugs å erstatt desse med reine klede neste dag. Dykk bør sjølve sjekke med jamne mellomrom om nokon av ytterkleda er veldig skitne eller våte for å ta dei med heim til vask eller tørk. Vi har ikkje tørkeskåp i barnehagen og kleda tørkar veldig seint om dei vert hengande gjennomvåte i yttergarderoben.
Den siste fredagen kvar månad skal de tømme hyllene for alle klede slik at reinhaldaren kan vaske!
Når det nærmar seg tomt for bleier eller serviettar heng personalet opp lappar på plassane i tørrgarderoben.
 

Vi ynskjer å få melding før klokka 09.30 om barnet ditt blir vekke på grunn av sjukdom. 

Barn som er sjuke skal ikkje vere i barnehagen, både av omsyn til det sjuke barnet og at det kan smitte dei andre i barnehagen. Ein hovudregel er at barna skal vere friske nok til å vere ute. Dersom barnet har hatt diaré/oppkast, skal det vere heime 48 timar etter siste utbrot. Er du i tvil kan du ringe og snakke med oss. 

• Sjå Folkehelseinstituttet om smittevern i barnehage

Ja. Barnet kan ha fri frå barnehagen når de ynskjer det.
Vi ynskjer å få beskjed om dette på førehand slik at vi får mogelegheit til å tilpasse barnegruppa eller personalet etter behov.

I starten av kvar månad får kvar avdeling utlevert ein månadsplan. På denne står det ei grov oversikt over opplegget den komande månaden. Det er lurt å lage gode rutinar på å sjekke innhaldet på månadsplanen kvar morgon.
På baksida står det ei oppsummering av månaden som var, samt litt meir spesifikk informasjon om opplegget framover.
Vi oppmodar sterkt om å lese nøye igjennom informasjonen på månadsplanen når de får den utlevert.

Ein hovudregel er at ein skal vere ute av barnehagen til kl.16.30. 
Ved for sein henting utover dette vert det krevd gebyr:

• Sjå pris og betaling for barnehageplass

Barnehagen har smørjemåltid og frukt kvar dag. Barna skal få eit sunt og næringsrikt tilbod som dekker behovet dei har igjennom barnehagekvardagen. To gongar i månaden lagar vi varm mat ilag med barna i barnehagen.

Dersom barnet skal ete frukost i barnehagen må de ta med mat frå heime. Drikke får de i barnehagen.
Frukosten er mellom kl. 8.00 - 9.00. 

NB! Tidspunket for frukost kan variere frå avdeling til avdeling.

Dagsrytmen vil variere på dei ulike avdelingane, men ei lita oversikt kan sjå sånn ut: 

• 07.00 Barnehagen opnar
• 08.00 - 09.00 Frukost
• 09.15 inne- og uteleik
• 10.30 - 11.30 Lunsj og kviling
• 11.00 - 12.00 inne- og uteleik / soving
• 14.00 - 14.30 Fruktmåltid         
• 16.30 Barnehagen stenger