Opningstider i barnehagen
Tilvenning i barnehagen
Det er alltid spennande når nye barn skal byrje i barnehagen og vi ønskjer at dei skal få god tid til å bli kjende og trygge. Dei første dagane er det trygt og godt å ha sine næraste rundt seg.
For at personale skal kunne gje kvart einskild barn den omsorg dei treng i tilvenninga, er det naudsynt at dei nye barna begynner på ulike dagar. Derfor vert dato for oppstart fordelt utover dei første vekene etter nytt barnehageår.
Kor lang tid ein treng til tilvenning, varierer frå barn til barn, og det er viktig at dei får den tida dei treng. Vi ynskjer at foreldra set av minimum tre dagar.
Den første dagen er det naudsynt at foreldra er i barnehagen heile dagen. I samråd med personalet avtalar de vidare dag for dag. Om det er mogeleg, kan det vere godt for barnet å ha korte dagar i byrjinga.
Ved oppstart i barnehagen vil barnet få ein "primærkontakt" denne personen har eit særleg ansvar for barnet den fyrste tida i barnehagen.
Det er viktig å seie ha det til barnet når du går. Når du har sagt ha det, går du. At barnet græt når du går, er ein sunn reaksjon. Ofte går det fort over. Barnet blir usikkert når det merkar at det kan strekkje grenser. Om du lurer på korleis barnet ditt har det etter at du har gått, kan du ringe og snakke med personalet.
Anna nyttig informasjon:
Barna skal vere kledde slik at dei kan
delta i leik og aktivitetar inne og ute.
Ta med:
- klesskift
- innesko
- støvlar
- regnklede, parkdress og vinterdress - alt etter vêret og årstida
- drikkeflaske
- vogn om barnet skal sove
Opningstid: kl. 07.30-16.30
Kjernetid: kl. 09.30 - 14.30
Dei planlagde aktivitetane føregår innanfor kjernetida i barnehagen.
Dagsrytmen vår:
- 07.00: Barnehagen opnar
- 07.00 - 09.30: Frileik
- 08.15.08.45: Frukost
- 09.30: Vi ynskjer at barna er komne i barnehagen
- 10.00: Gruppevis deling på avdelingane
- 11.00: Samling
- 11.30: Måltid
- 12.00: Kvilestund
- 12.30: Uteleik
- 14.30: Fruktmåltid inne / ute
- 16.30: Barnehagen stenger
Gi oss melding før klokka 09.30 om barnet ditt blir vekke på grunn av sjukdom.
Barn som er sjuke, skal ikkje vere i barnehagen, både av omsyn til det sjuke barnet og fordi det kan smitte dei andre i barnehagen. Ein hovudregel er at barna skal vere friske nok til å vere ute. Dersom barnet har hatt diare/oppkast, skal det vere heime 48 timar etter siste utbrot. Er du i tvil, kan du ringe og snakke med oss.
Sjå Folkehelseinstituttet om smittevern i barnehage
Foreldresamarbeid
For å få eit godt samarbeid, ha ein god dialog og gje barna eit lærerikt barnehageopphald, er god kommunikasjon mellom heim og barnehage viktig. Dette ynskjer vi å sikre gjennom daglege samtaler i hente- og bringesituasjon, foreldremøter, foreldresamtale, foreldreutval og samarbeidsutval.
Samarbeid med eksterne instansar
I nokre tilfeller treng vi å ta kontakt med andre for å hjelpe barnet og foreldre. Det er fleire hjelpeinstansar barnehagen kan rådføre seg med.
Vi samarbeider med desse instansane:
Helsestasjon, pedagogisk psykologisk tenestekontor (PPT), barne- og ungdompsykiatri (BUP), barnevernstenesta og fysioterapeut.
Vi overfører også, med samtykke frå foreldra, informasjon til skulen eller til ny barnehage om barnet byter barnehage.
Pris og betaling for barnehageplass
Prisar for barnehageplass og matpengar