Presentasjonar i politiske møte

Møtegodtgjersle, tapt inntekt og reiserekning

Generelt om utbetaling 

Refusjonskrav for reiserekning, køyrebok og andre utlegg skal meldast inn så snart som muleg, som hovudregel innan tre månadar.

Siste frist for innmelding av refusjonskrav for det inneverande året er 15. januar året etter. Alle utgifter må då vere innkomne for å bli ført på rett rekneskapsår. Det vil seie at alle refusjonskrav for 2020 må meldast inn seinast 15.01.2021.

Løn og utbetling av vederlag for tapt inntekt og utlegg blir betalt ut den 12. i kvar månad. For å vere sikker på at utbetalinga blir med den 12, må krav om vederlag blir meldt inn innan den 1. i månaden.  

Møtegodtgjersle 

Folkevalde får utbetalt ei fast godtgjersle per møte. Politisk sekretariat fører oversikt over kven som møter i dei folkevalde organa, så det er ikkje nødvendig å levere inn oversikt over deltaking i slike møte. Sjå satsane i reglementet for folkevalde sine arbeidsvilkår (PDF, 698 kB). 

Folkevalde må likevel levere oversikt over deltaking i andre møte i t.d samarbeidsutval, styre og liknande, der kommunen sitt politiske sekretariat ikkje er til stade. 

Møtegodtgjersle blir betalt ut to gongar i året, 12. juni og 12. desember. 
 

Tapt arbeidsinntekt  

Alle folkevalde i Sunnfjord kommune har krav på å få vederlag for tapt arbeidsinntekt. Dette gjeld for pliktige møte i folkevalde organ, andre kommunale organ eller andre pliktige oppdrag som folkevald. Tapt inntekt må krevjast skriftleg.

Send krav om vederlag for tapt inntekt til politisk sekretariat, politikk@sunnfjord.kommune.no

Dokumentert tap av inntekt
For å få dekt dokumentert tap av inntekt, inntil kr 4 000,- per dag, må det bli lagt fram dokumentasjon frå arbeidsgjevar med omfanget av tapet. Arbeidsgjevar kan lage eit underteikna skriv (elektronisk godkjenning blir akseptert) som dokumentasjon. Politisk sekretariat har òg laga eit skjema for tapt inntekt som den folkevalde kan fylle ut for godkjenning av arbeidsgjevar med underskrift.

• Last ned skjema for tapt inntekt (XLSX, 15 kB)

For sjølvstendig næringsdrivande må tapt inntekt dokumenterast av rekneskapsførar, eller ved likningsattest og eigenmelding. Dokumentasjonen må innehalde årsløn som sannsynleggjer kravet. 

Ikkje-dokumetert tap av inntekt
Heimearbeidande, studentar, frilansarar og andre som har tap av inntekt som dei ikkje kan dokumentere kan få dette dekka med inntil kr. 1 500,- per dag. Krav om dekking av ikkje-dokumenterte tap skal leverast skriftleg som ei eigenerklæring som sannsynleggjer tapet.

Finn lønsslippen

Folkevalde finn lønslippen sin ved å logge inn i Visma: 

Lenke til innlogging i Visma 

• Sjå rettleiar for innlogging i Visma og framgangsmåte for å finne lønsslippen
• Sjå rettleiar for lønsslipp på mobil

Reiserekning og køyrebok

Folkevalde skal registrere reiserekningar, køyrebok og andre utlegg i Visma Expense.

• Sjå rettleiar for registrering av reiserekningar og køyrebok (PDF, 789 kB)
• Last ned skjema for køyrebok (XLSX, 15 kB)

• MAL for køyregodtgjersle 2023 (XLSX, 17 kB)