Sunnfjord kommune lyser ut midlar i ordninga: Tilskot til tiltak i beiteområde. Ordninga gjeld tiltak som bidreg til å leggje til rette for best mogleg utnytting av beite i utmark, redusere tap av dyr på utmarksbeite og fremje fellestiltak i beiteområda. Aktuelle søkjarar er i hovudsak lag eller foreiningar (beitelag, sankelag) som er registrert i enhetsregisteret og driv næringsmessig beitedrift i utmark og set i verk investeringstiltak og/eller planleggings- og tilretteleggingsprosjekt i beiteområde. Midlane skal forvaltast i tråd med Forskrift om tilskudd til tiltak i beiteområder (FOR-2013-02-04-206) Kva tiltak kan få tilskotDet kan i utgangspunktet gjevast tilskot til alle typar tiltak som fremjar beiting i et område, men i hovudsak skal tiltaka vere stasjonære og ha eit visst omfang. Mindre kostnadskrevjande tiltak og lett omsettelege varer vert ikkje støtta. Frå 2020 har driftstilskotet gjennom RMP til beitelaga auka, og beitelaga kan difor sjølv ta ansvar for mindre tiltak. Ulike typar av faste og mobile investeringstiltak kan til dømes vere:Sanke- og skiljeanleggBruer dimensjonert for dyr og folkSperregjerde for å sikre at dyr ikkje kjem inn i farleg områdeGjetarhytter/sankehytterElektronisk overvakingsutstyr (E-bjøller)BeitebruksplanLes om tilskot til tiltak i beiteområde og «Retningslinjer 2024-2027» på kommunen sin heimeside. (tilskot til tiltak i beiteområde frå s. 8 – 11 i tiltaksstrategien.) Tiltak som vert prioritert Elektronisk overvakingsutstyr (E-bjøller)Faste installasjonarBeitebruksplanSøknadsfrist 1 mars 2026Elektronisk søknadsskjema og informasjon om regelverket for tilskotsordninga på Landbruksdirektoratet sin nettside.SpørsmålDersom du har spørsmål, ta kontakt med Anne Fetveit. Sist endra 03.02.2026 09.21