Vi tilbyr berre 100 % plass
Sunnfjord kommune har fram til no hatt tilbod om 20-100 % plass i kommunale barnehagar. Å endre til at vi normalt tilbyr 100 % plass vil vere ei vesentleg endring. Det er få som vel deltidsplass i kommunen, 20 barn (rapportering desember 2024). Sidan det er ei opning for at ein kan få deltidsplass dersom det er 
tungtvegande grunnar til det, reduserer dette konsekvensen av endringa.

Vi har spesifisert tydlegare kven som har rett til barnehageplass i kommunen

Stengt tre veker om sommaren
Det er forslag om at kommunale barnehagar har stengt tre veker om sommaren. Styrar saman med samarbeidsutvalet kan vurdere å stenke barnehagen i romjula og påskeveka dersom det er få barn. Barn som treng barnehageplass vil få tilbod i Nærleiken barnehage. 

Andre endringar

• Opptakskretsen er endra til Sunnfjord kommune utan avgrensing
• Under endring av barnehageplass har vi lagt til at det er mogeleg å søke om permisjon frå barnehageplassen inntil eitt år
• Det er kommunestyret som fastsett ein makspris for mat i barnehagane.  Pris i den enkelte barnehage kan variere ut i frå tilbod.
• Arealnorma er endra til nasjonale retningslinjer, 5,3 kvm og 4 kvm

Sjå presentasjon som vart halde for formannskapet 13. november