Næringsarbeidet i Sunnfjord kommuneFormannskapet vil i møte 18. september behandle organisering og finansiering av næringsarbeidet i Sunnfjord kommune.Kort om bakgrunn for sakaNæringsutvikling er ein sentral del av kommunen sitt samfunnsutviklingsansvar og skal bidra til arbeidsplassar, verdiskaping og attraktivitet. Samstundes står Sunnfjord kommune i ein krevjande økonomisk situasjon der alle tenesteområde må vurderast.Kommunestyret handsama i K-sak 38/26 økonomiske hypotesar for å betre kommunen sin økonomiske situasjon. Ei av hypotesane var å redusere det kommunale tilskotet til Sunnfjord Utvikling AS med 2,7 mill. kroner. Kommunestyret endra ikkje dette innsparingskravet ved handsaminga.Kommunedirektøren vurderer at nivået på driftstilskotet er avgjerande for evna til å arbeide strategisk og langsiktig med nærings- og samfunnsutvikling, og saka omfattar derfor både organisering og finansiering av dette arbeidet. Saka drøftar: kva næringsarbeidet skal oppnå korleis oppgåvene bør organiserast korleis arbeidet bør finansierast Les heile saka: Organisering og finansiering av næringsarbeidet i Sunnfjord kommuneKommunedirektøren sitt framlegg til vedtak: Sunnfjord kommune skal vidareføre eit samla næringsarbeid som bidreg til verdiskaping, arbeidsplassar og attraktivitet i kommunen. Næringsarbeidet skal organiserast ved kjøp av tenester frå Sunnfjord Utvikling AS.Reiselivsarbeidet vert frå 1.1.2027 organisert ved eit direkte eigarskap i Visit Fjordkysten & Sunnfjord. Det blir lagt fram eiga politisk sak om avtale og finansiering.Årleg tilskot til Sunnfjord Utvikling AS blir redusert frå 5,7 mill. kroner i 2026 til 4 mill. kroner i 2027 og vidare til 3 mill. kroner frå og med 2028, innanfor vedtekne budsjettrammer. Kommunedirektøren får i oppdrag å utarbeide årlege resultatmål og rapporteringskrav for Sunnfjord Utvikling AS, og vidareutvikle den strategiske samhandlinga mellom Sunnfjord Utvikling AS og kommunen.Næringsarbeidet og konsekvensane av endra finansiering skal rapporterast status på i 2027 og evaluerast innan utgangen av 2028. Evalueringa skal òg omfatte ei vurdering av moglegheitene for eit meir forpliktande samarbeid om næringsutvikling innanfor den større bu- og arbeidsmarknadsregionen rundt Sunnfjord. Sist endra 15.09.2026 14.53