Innspel til anlegg for idrett, fysisk aktivitet og friluftsliv

Vi ynskjer innspel frå lag og organisasjonar som vil bygge eller rehabilitere anlegg for idrett, fysisk aktivitet og friluftsliv i Sunnfjord kommune. Anlegg kan også vere turstiar/-løyper (inkl. merking) og kart. Å legge til rette for at folk kan drive både organisert og eigenorganisert aktivitet i sitt nærmiljø gir både livskvalitet og god folkehelse. Dei som vil etablere slike anlegg kan søke om spelemidlar, for å få finasiert delar av kostnaden.

Frå 15.06.26 er det større endringar i spelemiddelordninga.

Vilkår og krav for tilskotsordninga finn du på:

• Forskrift om tilskudd til bygging og rehabilitering av anlegg for idrett og fysisk aktivitet fra spilloverskudd.
• I tillegg vert retningslinjer for anleggstypar m.m. oppdatert kvart år. Desse finn du her.

Handlingsplanen for anlegg vert rullert kvart år. Det er difor ikkje er nødvendig å spele inn anlegg som ligg veldig langt fram i tid, bortsett frå større anlegg og gjerne planar om rehabilitering av eksisterande anlegg.

Godkjent plan

Typar anlegg og nedre kostnadsgrense

Det kan søkjast om spelemidlar til

ordinære anlegg og rehabilitering av desse (for organisert idrett og fysisk aktivitet) – nedre grense for kostnad er 200.000 kroner
nærmiljøanlegg (for eigenorganisert idrett og fysisk aktivitet) – nedre grense for kostnad er 100.000 kroner
Departementet kan i særlege tilfelle fråvike minstegrensa
turkart – nedre grense for kostnad er 100.000 kroner

Som hovudregel kan ein få tilskot på inntil 1/3 av godkjent kostnad til bygging/rehabilitering av ordinære anlegg. Til nærmiljøanlegg kan ein få tilskot på inntil 50% av godkjent kostnad, maks kr 400 000 (unntak for kunstisflater)

Kven kan søkje?

For å kunne få spelemidlar er det eit krav at ein har eit organisasjonsnummer, og at prosjektet du vil gjennomføre er tatt inn i Sunnfjord kommune si «Kommunal plan for idrett, fysisk aktivitet og friluftsliv». Den blir rullert kvart år gjennom vedtak i kommunestyret.

Oversikt over kven som kan søke spelemidlar til ulike typar anlegg, finn du i rettleiar som ligg på nettsida til regjeringa

Større endringar frå 15.06.26, blant anna kan ikkje grendelag søke lenger.

Fristar

Innspel til nye anlegg – 1. september

Meld tilbake til oss innan 1. september om du har planar om prosjekt du vil søkje spelemidlar til. Eigne utfyllande opplysningar kan også leggast ved. Dersom det er feil eller manglar i eksisterande plan, set vi pris på å bli varslar om dette slik av vi kan rette det. Også anlegg som er spelt inn tidlegare, men som ikkje er aktuelle lengre ynskjer vi innspel om.

Innspel kan sendast til

Søknadsskjema

Send e-post til postmottak
Sunnfjord kommune Postboks 338 6802 Førde

Merk innsending med saksnummer 26/5022

Søknadsfrist spelemidlar – 1. oktober.

Søknadsskjema for spelemiddelsøknadar er opna. Den kommunale søknadsfrist på spelemidlar er sett til 1. Oktober. For eksisterande søknader som ikkje har fått tildeling: hugs å gjenta søknad!

Du søker via Anleggsregisteret sine søknadssider.

Les om ordning med forskotering av spelemidlar