Har du det du treng til å klare deg sjølv i minst tre døgn?Eigenberedskap. Gaute Gjøl Dahle DSB Har du alt du treng for å klare deg sjølv i minst tre døgn dersom vatn og straum plutseleg blir borte? 31. oktober startar ei landsdekkjande kampanjeveke om eigenberedskap i regi av Direktoratet for samfunnssikkerhet og beredskap (DSB), og i samarbeide med kommunar over heile landet. Målet med Eigenberedskapsveka 2022, som blir gjennomført 31. oktober – 6. november, er å gjere oss betre rusta til å stå imot kriser. Du har truleg allereie mykje av det du treng for å klare deg sjølv i tre dagar, så ofte er det ikkje så mykje som skal til for at du og dine nærmaste blir litt betre førebudde.Direktoratet for samfunnstryggleik og beredskap (DSB) anbefaler alle husstandar i Noreg å ta nokre enkle grep for å betre eigenberedskapen sin. På sikkerhverdag.no finn du konkrete råd som DSB har utarbeidd for alle innbyggjarar. Her finn du mellom anna døme på ting du bør ha i beredskapslageret heime for å klare deg i minst tre døgn. Råd om eigenberedskap, norsk (PDF) Råd om eigenberedskap, engelsk, polsk, somalisk, arabisk, (PDF)Meir informasjon om krise og beredskapshandtering i kommunen, finn du på heimesida under beredskap og krisehandtering.. Sist endra 22.11.2023 10.17