Organisering av kommunen

13. desember 2024 gav kommunestyret kommunedirektøren mandat til å starte arbeidet med å vurdere organiseringa av heile Sunnfjord kommune.

Mål for arbeidet

ha ei framtidsretta organisering av Sunnfjord kommune
etablere ein organisasjon som er tilpassa færre i yreksaktiv alder og lågare driftskostnadar
Redusere dei samla driftskostnadane med inntil 30 millionar

Tiltak: Vurdere alternativ organisering av leiargruppa, stabar og einingar.
Frist: 1. juni 2025.
Status april 2025
- Arbeider no med å hente inn informasjon og kartlegging internt: snakkar med kommunedirektøren, kommunalsjefane, einingsleiarane, tillitsvalde og hovudverneombod om:
  - Korleis kan vi organisere oss basert på den erfaringa vi har med noverande organisasjon?
  - Korleis kan vi organisere leiargruppa?
  - Korleis kan vi organisere stabane?
  - Korleis kan vi organisere einingane?
- Innhentar informasjon om ulike organisasjons- og driftsformer frå andre kommunar.

Tiltak: Gjennomgang av driftskostnadar (løn- og tenestekostnadar) på kommunenivå.
Frist: 1. april 2025.
Status april 2025
- Alle sektorane arbeider med eigne innsparingstiltak. Vi har vurdert felles godtgjeringar som gjeld tilsette i heile kommunen og vurderer innsparingspotensialet der.

Tiltak: Kartlegge innsparingar og konsekvensar av at tilsette sluttar i administrative/stabsstillingar, og ikkje blir erstatta i perioden 2025–2032.
Frist: 1. juni 2025.
Status april 2025
- Alle sektorane arbeider med eigne innsparingstiltak. Vi vurderer felles godtgjeringar som gjeld tilsette i heile kommunen og vurderer innsparingspotensialet der.

Tiltak: Vurdere om det er tenester som kan bli løyste utandor kommunen eller i fellesskap med andre kommunar. Frist: 1. juni 2025.
Status april 2025
- Ikkje starta opp.

Legg opp til ein prosess med å sjå på kommunen si organisering med mål om å redusere dei samla driftskostnadane med inntil 30 mill. kroner.
Legg opp til ein prosess med å sjå på effektiv sakshandsaming, spesielt innan sjølvkostområdet, med mål om redusert avgifts- og gebyrnivå.
Arbeidet skal skje i samarbeid med dei tilsette sine organisasjonar og følgje avtaleverket sine reglar for slike tiltak.
Føremålet er å ta ned det kommunale driftsnivået slik at det blir balanse mellom inntekter og utgifter.
Arbeidet skal starte så snart som råd.
Arbeidet skal omfatte heile kommunen.
Kommunedirektøren får fullmakt til å engasjere ekstern bistand til arbeidet.

Sist endra 20.06.2025 14.24