Vi hadde kart, så dei som møtte opp kunne teikne og kommentere sine innspel. Det var òg mogleg å sende skriftelege innspel til ei digital postkasse før, under og etter verkstaden.

Vi fekk mange gode innspel, og vil bli laga ein medverknadsrapport som samlar opp innspela frå alle medverknadsmetodane vi brukar knytt til sentrumsplanen for Førde.

Oppsummering av hovudtema på innspel vi fekk inn om transformasjon av Storehagen:

1. Grøntareal og parkutvikling 
Mange ønskjer meir grønt i sentrum: parker, tre, blomster, og soner for leik og rekreasjon. Det blir etterlyst:

• Leikeplassar for barn
• Urbane grøne lunger
• Plassar for piknik og opphald
• Naturvennleg utforming
   

2. Fotgjengarvennleg og bilfritt sentrum 
Det er eit sterkt ønske om å redusere biltrafikk og parkering i overflata:

• Gågate eller miljøgate gjennom Storehagen
• Parkeringshus under bakken
• Tilrettelegging for syklistar og mjuke trafikkantar
• Meir skjerming mot støy og trafikk
   

3. Bevaring og gjenbruk av gamle bygg 
Fleire peikar på verdien av å ta vare på historiske bygg som Firda Billag og verkstadbygga:

• Inspirasjon frå Kødbyen i København
• Bruk til kaféar, mathall, kultur og næring
• Identitetsskapande og arkitektonisk verdi