På denne sida finn du årsmelding, årsrekneskap og årsrapport for alle avslutta rekneskapsår i Sunnfjord kommune.
Årsmelding og årsrekneskap 2025
Kort om årsmelding og årsrekneskap for 2025
2025 har vore eit vendepunkt for Sunnfjord kommune, med positivt netto driftsresultat på 3,3 mill. kroner etter fleire år med press og stort underskot. Betre økonomistyring, høgare skatteinngang, lågare utgiftsvekst og gjennomførte tiltak har gitt resultat, og sjukefråværet er redusert.
Samtidig er økonomien framleis sårbar, med meirforbruk i sektorane, svært lågt disposisjonsfond og store strukturelle utfordringar knytte til demografi. Det ligg krevjande prioriteringar framover, inkludert mogleg nedbemanning.
Trass dette viser 2025 at kommunen har kompetanse, omstillingsevne og evne til å snu utviklinga når ein arbeider målretta saman.
Årsmelding og årsrekneskap 2024
Kort om årsmelding og årsrekneskap for 2024
- Driftsrekneskapen for 2024 viser samla driftsinntekter på 2 476 mill. kroner.
- Netto driftsresultat er minus 135 mill. kroner eller -5,5 % av driftsinntektene. Dette medfører at frie fondsmidlar vert oppbrukte.
- Investeringsrekneskap 2024 viser samla utgifter på 406 mill. kroner. Det er ein nedgang på 47 mill. kroner frå rekneskap 2023. Det er eit etterslep på gjennomføring av investeringar då samla budsjetterte utgifter er 590 mill. kroner.
- Alle investeringsutgifter i 2024 er finansiert.
Årsmelding og årsrekneskap 2023
Kort om årsmelding og årsrekneskap for 2023
- Driftsrekneskapen for 2023 viser samla driftsinntekter på 2 465 mill. kroner.
- Netto driftsresultat er 29 mill. kroner eller 1,1 % av driftsinntektene. Det er 7,7 mill. kroner lågare enn rekneskap 2022 og 12,8 mill. kroner betre enn revidert budsjett for 2023.
- Investeringsrekneskap 2023 viser samla utgifter på 453 mill. kroner. Det er ein auke på 97 mill. kroner frå rekneskap 2022. Det er eit etterslep på gjennomføring av investeringar då samla budsjetterte utgifter er 597 mill. kroner, men etterslepet er redusert gjennom høgare aktivitet i 2023 enn opphaveleg budsjett.
- Alle investeringsutgifter i 2023 er finansiert
Årsmelding og årsrekneskap 2022
Kort om årsmelding og årsrekneskap for 2022
- Driftsrekneskapen for 2022 viser samla driftsinntekter på 2 336 mill. kroner.
- Netto driftsresultat er 37 mill. kroner eller 1,6 % av driftsinntektene. Det er 22 mill. kroner lågare enn rekneskap 2021 og 10,4 mill. kroner betre enn revidert budsjett for 2022.
- Investeringsrekneskap 2022 viser samla utgifter på 356 mill. kroner. Det er ein auke på 15 mill. kroner frå rekneskap 2021. Det er eit etterslep på gjennomføring av investeringar då samla budsjetterte utgifter er 681 mill. kroner, men etterslepet er redusert gjennom høgare aktivitet i 2022 enn opphaveleg budsjett.
- Alle investeringsutgifter i 2022 er finansiert
Årsmelding og årsrapport 2021
Kort om årsmelding og årsrekneskap for 2021
- Driftsrekneskapen for 2021 viser samla driftsinntekter på 2 212 mill. kroner.
- Netto driftsresultat er 58,4 mill. kroner eller 2,64 % av driftsinntektene. Det er 45 mill. kroner betre enn rekneskap 2020 og 35 mill. kroner betre enn revidert budsjett for 2021.
- Driftsrekneskapen for 2021 er avslutta ved at mindreforbruk på 30,3 mill. kroner er avsett til disposisjonsfond i samsvar med forskrift om økonomiplan, årsbudsjett, årsrekneskap og årsberetning for kommunar og fylkeskommunar.
Årsmelding og årsrekneskap 2020 for Sunnfjord kommune er første driftsår i ny kommune. Oppstillingar og noteopplysningar viser derfor ikkje samanlikning mot årsrekneskap 2019. Ny kommunelov frå 01.01.2020 har medført endringar i hovudoversikter, slik at samanlikning mot summen av 4 kommunar før 2020 ikkje blir korrekt.
Årsmelding og årsrekneskap
Kort om årsmelding og årsrekneskap for 2020
- Driftsrekneskapen for 2020 viser samla inntekter på 2 117 mill. kroner.
- Netto driftsresultat er 13,3 mill. kroner eller 0,63 % av driftsinntektene. Dette er 17 mill. kroner svakare enn budsjett korrigert for bruk og avsetjing av øyremerka tilskot.
- Investeringsrekneskap 2020 viser samla utgifter på 257 mill. kroner. Det er eit etterslep på gjennomføring av investeringar då samla budsjetterte utgifter er 603 mill. kroner. Alle investeringsutgifter i 2020 er finansiert.
- Årsrekneskapen for 2020 viser meirforbruk på 17 mill. kroner. Usikkerheit på grunn av første driftsår, uoversiktleg økonomisk konsekvens av korona samt at einingane har vore noko forsiktig i rapporteringa er hovudforklaringa på lågare meirforbruk enn rapportert.
- Sunnfjord kommune er innanfor handlingsregelen om å ikkje auke lånegjelda i 2020, då betalt avdrag utgjer 2,1 mill. kroner meir enn nye låneopptak gjennom året.
- Rentenivået vart kraftig redusert i 2020 som følgje av Korona-pandemien. Ein auke i lånerenta i åra framover vil utfordre den økonomiske situasjonen til kommunen.
Sist endra 07.05.2026 10.05