Skattesats

• Vedtak eigedomsskatt 2025

Kommunestyret har vedteke å skrive ut eigedomsskatt for 2025

• Den allmenne skattesatsen er 6,8 promille
• Differensiert skattesats for eigedomar med sjølvstendige bustaddelar er 2,7 promille
• 2,7 promille er også satsen for fritidsbustader

Eigedomskatten blir betalt i fire terminar. Betalingsfristane er:

• 15. mars
• 15. mai
• 15. august
• 15. november

Avtalar med samla årsbeløp/gebyr mindre enn 1600 kroner, blir fakturert i 1.termin for heile skatte- og avgiftsåret. Dersom skatten for ein eigedom er mindre enn 300 kroner, blir det ikkje skrive ut skatt.

Eigedomsskattelister og skattesetlar 

• Opplysningar om skatt og takst (skattesetel) vert sendt ut i veke 8 og 9. Skattesetelen blir sendt til den som er registrert som eigarrepresentant for skatteeigedomen.
• Eigedomsskattelistene blir publisert på kommunen si heimeside seinast 1. mars 2025.
• Papirutgåver av eigedomsskattelistene er tilgjengelege for gjennomsyn i tre veker. Du finn dei på tenestetorga på Skei,  Naustdal og Førde og biblioteket på Sande frå 1. mars 2025. 

Følgjande eigedomar vil bli vurdert fritekne for eigedomsskatt etter søknad

• Eigedomar til stiftingar eller institusjonar som tek sikte på å gagne ein kommune, eit fylke eller staten(esktl. § 7 a)
• Bygningar som har historisk verdi (esktl. § 7 b)
• Les meir om generelle prinsipp for fritak etter eigedomsskattelova § 7

Klage på eigedomsskatten

Du kan klage på den utskrivne eigedomsskatten etter eskl. § 19. Klagen skal vere skriftleg. Som eit minimumskrav må du gjere greie for kva det blir klaga på og kva du ønskjar å få endra. Du kan klage kvart år i samband med den årlege utskrivinga av eigedomsskatten, dersom det ikkje er klaga på same grunnlaget tidlegare år. 

Klagefrist

• 12. april 2025

Sende klage på elektronisk skjema, til e-post eller pr post.

• Skjema for klage på eigedomsskatten
• Send e-post
• Sunnfjord kommune Eigedomsskattekontoret, Postboks 338, 6802 Førde.

Lovverk

• Lov om eigedomsskatt til kommunane (eigedomsskattelova)
• Eigedomsskattelova §12a fritidsbustader

Retingsliner for eigedomsskattetaksering i Sunnfjord kommune pr. 12. januar.2021 (PDF, 842 kB)

Sonekart

• Sonekart for eigedomskatt  (PDF, 6 MB)
• Sonekart for fritid (PDF, 683 kB) Sone F1 har faktor 1,0  (mindre hytteområde i Jølster) og F2 har faktor 0,8. (resten av kommunen)
• Førde Sentrum A3 25000 utan arealdekke  (PDF, 2 MB)