Føretak som erklærer ansvarsrett i byggesak skal ha fagleg leiing med eksamen eller anna bestått prøve som er relevant for føretakets ansvarsrett. Føretaket må oppfylle dei krav til relevant utdanning og praksis etter inndelinga i tiltaksklassar og funksjonar gjeve i tabellar i byggesaksforskrifta SAK10 kapittel 11.

I tillegg til krav til utdanning og praksis stiller forskrifta krav til føretakets kvalitetssikringsrutinar. Det er desse krava som samla sett viser at eit føretak har gjennomføringsevne som skal sørge for at søknadspliktige tiltak blir utført i samsvar med krav gjeve i plan- og bygnignslova.

Sjå krav til utdanning og praksis her:
Byggesaksforskrifta sine krav til utdanning og praksis (PDF, 397 kB)

For mest mogeleg lik praksis har kommunen nokre vurderingskriterier som vi vil bruke i vår saksbehandling av søknadar om ansvarsrett. 

SAK10 § 11-4 sjette ledd, bokstav a:
For tiltaksklasse 1 kan kommunen godkjenne at kravet til praksis reduseres for ansvarlig søker og ansvarlig prosjekterende ved relevant utdanning av lengre varighet eller høyere grad.

For reduksjon av praksiskravet gjeld primært godkjent utdanning ved universitet eller mastergrad over 5-årsperiode, men kan og gjelde for høgskuleutdanning på bachelor nivå over ein 3-årsperiode. Lågare utdanning enn dette vil ikkje vere tilstrekkeleg for å redusere kravet til praksis.

SAK10 § 11-4 sjette ledd, bokstav b:
For tiltaksklasse 1 kan kommunen godkjenne at kravet til utdanning reduseres ved relevant praksis av lengre varighet og god kvalitet.

Krav til utdanning kan berre bli redusert, og føretak utan noko utdanning vil ikkje kunne bli godkjent som ansvarleg føretak. For reduksjon av utdanning må føretaket kunne legge fram dokumentasjon som arbeidsattest, referanseprosjekt og liknande som dokumenterer at følgjande (relevant) minimumspraksis er oppnådd: 

UTF: 6 års praksis av god kvalitet
PRO: 8 års praksis av god kvalitet
SØK: 8 års praksis av god kvalitet

For søknad om ansvarsrett bruk kommunen sin søknadsblankett:
Søknad om ansvarsrett ved manglande kvalifikasjonskrav (PDF, 180 kB) (pdf)
Søknad om ansvarsrett ved manglande kvalifikasjonskrav (DOCX, 20 kB) (word)

Søknad om ansvarsrett må innehalde følgjande dokumentasjon

• Utgreiing av kva funksjonar og ansvarsområde søknaden omfattar
• Dokumentasjon på fagleg leiing si utdanning:
  • Vitnemål, fag-/svenne-/mesterbrev, etc.
• Dokumentasjon på fagleg leiing sin praksis:
  • CV, arbeidsattestar og/eller arbeidskontrakt som dokumenterer praksis, eller
  • Oversikt over referanseprosjekt som viser type tiltak, adresse, funksjon, ansvarsområde, tidlegare gjevne ansvarsrettar

Send søknaden med den aktuelle byggesaken. eller gjennom ansvarleg søkar. Alle søknadar skal bli sendt til postmottak@sunnfjord.kommune.no eller i brevform til kommunen si postadresse.