Utlysing av kunstoppdrag i Førdepakken
Førdepakken er ei stor, pågåande utbygging av vegnettet i Førde sentrum som skal sikre ein miljøvenleg og stabil trafikksituasjon i Førde og leggje til rette for fortetting og byutvikling. Som del av Førdepakken skal det oppførast kunst i offentleg rom som møter lokalbefolkning og gjennomreisande i kvardagen.
Førdepakken lyser ut opa prekvalifisering for to kunstverk som skal oppførast i utbyggingsområda for Tiltak 1 og i krysset mellom Tiltak 12 og 16.
Rammer for kunstprosjekt
Kunstbudsjett for kvart av kunstverka er 1.000.000 kr inkl. MVA. Summen inkluderer produksjonsutgifter og kunstnarhonorar. Kunstavgift til BKH kjem i tillegg. Oppføring av kunstverka er hausten 2026.
Etter opa innsending av prekvalifiseringsmateriale vert tre kunstnerar for kvart av områda invitert til ein lukka skissekonkurranse. Konkurransehonorar er på kr 30.000 og det vert i tillegg dekka reisekostnader på inntil 5.000 kr for befaring som gjennomførast den 23. januar 2026.
Prekvalifisering
Kunstnerar som er interesserte i oppdraget sender inn prekvalifiseringsmateriale til kunstkonsulent Magnhild Øen Nordahl på e-post innan fristen 18. desember 2025.
Prekvalifiseringsmaterialet skal vere på inntil 15 sider, innehalde ein kort motivasjonstekst, dokumentasjon av relevante kunstverk og CV.
Alt materialet må vere samla i ei PDF-fil på maks 20MB og merkast etternamn_fornavn. Emnefelt i e-post merkast ‘Prekvalifisering Etternamn Namn’.
Fristar
- 18.12.25 Frist prekvalifisering
- 23.01.26 Befaring lukka skissekonkurranse
- 20.03.26 Levering skisseforslag
- Haust 2026 Oppføring kunst
Kunstnerar som tidlegare har sendt inn prekvalifiseringsmateriale blir vurdert i denne runden.
Har du spørsmål?
Spørsmål om utlysinga kan du sende til kunstkonsulent Magnhild Øen Nordahl i Førdepakken på e-post
Foto: Førdepakken