Kort om planen
Planområdet ligg ca. 13 km frå Skei. Det startar ved rv.5 mellom Støylsnestunnelen og Fjærlandstunnelen og går opp til Tverrfjellet. Planområdet grensar til Jostedalsbreen nasjonalpark. Bakgrunnen for planarbeidet er eit ønskje om ei reiselivssatsing ved Kjøsnesfjorden og Jostedalsbreen nasjonalpark. Forslagstillar er Jostedalsbreen gondol og konsulenten deira er Nordconsult.
Planen viser ein botnstasjon ved rv.5, mellom Støylsnestunnelen og Fjærlandstunnelen. Der skal det vere parkering, restaurant/kafe og gondolstasjon. Bana går over rv.5 til toppstasjonen like under Tverrfjellet. Der er det planlagt ei utsiktsrampe som gir panoramautsikt over Kjøsnesfjorden og kringliggane kulturlandskap og fjell. Det skal vere besøksstyring ut frå toppstasjonen for ikkje å auke trykket på eit svært sårbart naturområde opp mot Jostedalsbreen, snøleie. Statens vegvesen (SVV) hadde planar om å lage kjettingplassar og forbikøyringsfelt mellom Støylsnes- og Fjærlandstunnelen for å auke trafikktryggleiken. SVV har lagt sin plan på “vent”.
Gondolbana er planlagd med kabiner (vogner) som tek 40 personar. Estimerte besøkande i året er sett til 75 000 personar. Investeringskostnadane er førebelse estimert til i underkant av 400 millionar. I tillegg kjem gondolleveransen.
Det er gjort ulike utgreiing som grunnlag for reguleringsplanen. Som del av dette er det konsekvensutgreiingar KU for desse tema: naturmangfald, kulturmiljø, landskap, friluftsliv, samfunnsverknad samfunnstryggleik (risiko- og sårbarheitsanalyse).
Nordconsult
Sjå viktige dokument i saka
Formannskapet vedtok å sende planen til høyring og offentleg ettersyn i møte 10.04.2025.
Sei di meining innan 2. juni
Fristen for å sende innspel var 2. juni 2025
Har du spørsmål?
Du kan ringe eller sende e-post til Vigdis Randine Rorstad Lobenz om det er noko du lurer på.
Lovverk
Sjå innkomne innspel og andre dokument