Det er Kjøsnesfjorden kraftverk som i 2010 bygde ut vasskraftverket. Anlegget er i dag eigd av BKK. Dette fondet er delt i to, eitt for fiskeri, vilt og friluftsliv, og eitt for næring. Når det gjeld næringsfondet, var det opphaveleg på 7 million kroner. I dag står det 6 million kroner på dette fondet. 

• Sjå vedtekter for Kjøsnesfondet (DOCX, 25 kB)

Saman med SFE Produksjon AS etablerte Sunnfjord Energi AS utbyggingsselskapet Jølstra Kraft DA og starta utbygginga av kraftverket i 2018. Kraftverket er planlagt sett i drift 2021. I dag er det Eviny (Sunnfjord Energergi/BKK) saman med Wattn (Sogn og Fjordane energi) som eig Jølstra kraft.

Bruken av midlane er regulert i ein avtale mellom Jølster kommune og Sunnfjord energi, datert 16.6.2015. Her framgår det at målet med avtalen er å sikre lokalsamfunnet ein del av verdiskapinga frå utbygginga i eit langsiktig perspektiv og å ta vare på selskapet og grunneigarane sine krav til forsvarleg avkastning på investering og fallrettar. For det som gjeld næringslivet, skal fondet nyttast til næringsretta tiltak eller aktivitet knytt til reiseliv, friluftsliv og sport innanfor kommunegrensa til tidlegare Jølster kommune.

Avtalen sikrar eit årleg bidrag på 250 000 kroner (2014 verdi) og er indeksregulert. Så langt har ikkje midlane blitt fordelt. Det betyr at ein vil ha nærmare 800 000 til fordeling i 2021. Så må ein vurdere om ein likevel vil vente til 2022 før ein startar fordeling av midlane. 

Fondet skriv seg frå kompensasjon for at Gaularvassdraget ikkje vart bygt ut. Erstatninga vart fordelt likt mellom Balestrand, Førde og Gaular med 10 million kroner kvar. Frå tildelingsbrevet går det fram at: 
 

Grunnkapitalen i Gaular er på 10 million kroner. I vedtektene går det fram at kapitalen i fondet berre kan nyttast til lån, medrekna ansvarleg lån, og/eller avsetjast til garantifond. Realavkasting kan derimot nyttast til tilskot og betinga lån. Avkastinga har i fleire år vore nytta til næringsføremål og fordelt i samsvar med søknadar. Grunnkapitalen har elles vore brukt til forskottering av hall i Bygstad (6, 4 million kroner), forskotering i samband med fv. 57 (1 million kroner) og til forskotering av breiband (1,6 million kroner). Midlane er no ført attende og grunnfondet står i dag på 11,8 million kroner.

Grunnkapitalen I Førde er på 10 million kroner. Bruken av midlane er som for Gaular regulert til lån, medrekna ansvarleg lån, og kan avsetjast til garantifond. Realavkasting kan derimot nyttast til tilskot og betinga lån. Avkastinga har vore nytta til påbygg til Førdehuset (idrettsdelen) og går inn i den ordinære driftsrekneskapen. Utover dette har det ikkje blitt fordelt midlar frå avkastningar frå fondet. Grunnfondet står på 10 million kroner.