Psykisk helsehjelp er eit gratis lågterskeltilbod for alle over 18 år. Tek du kontakt med oss vil vi saman med deg vurdere dine behov for å sikre eit målretta helsetilbod. Vi jobbar ut i frå kva som er viktig for deg og prøver møte deg raskt. Det er viktig at du sjølv har eit ønske om endring. 

Vi som jobbar i tenesta har ulik fagbakgrunn med erfaring og vidareutdanning innan psykisk helse og rus. Teamet har erfaring og kunnskap om ulike tilnærmingar og metodar. Tilbodet ytast både i gruppe og individuelt. Uavhengig av type oppfølging vil du ha ein kontaktperson i tenesta. Verknad og effekt av helsetilbodet, sett opp mot dine mål, følgast opp gjennom heile oppfølginga.  

Vi nyttar tilbakemeldingsverktøy for å sikre målretta teneste   

• Norse Feedback
   

Samarbeid med individuell jobbstøtte (IPS Sunnfjord) 

 IPS er eit tilbod til personar over 18 år, som har psykiske utfordringar eller rusproblem og får oppfølging av tenesta psykisk helse og rus. Du må ha eit ønske om å jobbe eller kome i utdanning for å delta i IPS.  

IPS er eit samarbeid mellom NAV og helstenesta. Du får tilpassa hjelp ut frå interessene og jobb- og/ eller utdanningsønska dine. 

 Ein jobbspesialist, som er ein del av oppfølgingsteamet ditt, følger deg opp i samarbeid med kontaktperson i PHR. Målet er å hjelpe deg med å kome ut i jobb eller utdanning, og følge deg opp etter at du har starta i jobben eller begynt på utdanninga. 

•  Individuell jobbstøtte (IPS) - nav.no 

• Psykisk helse og rus  57 02 12 90
• Assisterande einingsleiar Psykisk helse og rus  97 76 90 89
• Assisterande einingsleiar Butiltak psykisk helse  91 39 23 21

Slik søker du

• I søknaden skriv du kva du treng hjelp til. 
• Dersom nokon hjelper deg med å fylle ut søknaden må du samstundes fylle ut ei skriftleg fullmakt og sende den med søknaden

Du brukar felles søknadsskjema for helse- og omsorgstenester for å søke om psykiske helsetenester: 

Søk om helse- og omsorgstenester elektronisk

Søk om helse- og omsorgstenester papirskjema

Send søknad til:
Sunnfjord kommune
Tildelingseininga
Postboks 338
6802 Førde 

Korleis blir søknaden behandla og kor lang tid tek det?

• Når du søker om helse- og omsorgstenester er det tildelingseininga som behandlar søknaden. Vi tek kontakt med deg for å kartlegge dine behov for hjelp.
• Vi behandlar søknaden din så raskt som mogleg. 

Kva kostar det?

Tilbodet er gratis.

For spørsmål, ta kontakt med

• Tildelingseininga, tlf. 57 72 20 05, kvardagar klokka 10.00–14.00
• Assisterande einingsleiar Psykisk helse og rus: tlf. 97 76 90 89
• Assisterande einingsleiar Butiltak psykisk helse, tlf. 91 39 23 21

Kan du klage på tilbodet?

Dersom du er misnøgd med tilbodet, kan du klage til kommunen innan ein frist på fire veker frå du fekk tilbodet. Forklar kva du er misnøgd med, og kvifor du meiner at tilbodet bør bli endra. 

Dersom kommunen lar tilbodet stå, blir saka sendt vidare til Statsforvaltaren som siste klageinstans.