Koordinerande eining

Koordinerande eining er ei tverrfagleg samansett faggruppe som skal sikre din rett til koordinator, barnekoordinator og individuell plan innan helse og omsorgstenester.
I Sunnfjord kommune er koordinerande eining delt i to team:

Koordinerande team for vaksne
Koordinerande team for barn og unge (0 – 23 år)

Om koordinerande eining

Oppgaver for koordinerende eining

Sentrale oppgaver for koordinerende eining er:

Legge til rette for medverknad
Ha oversikt over tilbod innan habilitering og rehabilitering
Overordna ansvar for individuell plan, koordinator og barnekoordinator.
- Ta i mot meldingar om behov for individuell plan og koordinator.
- Utarbeide rutinar for arbeidet med individuell plan og koordinator.
- Oppnemning av koordinator / barnekoordinator
- Kompetanseheving om individuell plan og koordinator.
- Opplæring og rettleiing av koordinatorar og barnekoordinator.
Bidra til samarbeid på tvers av fagområde, nivå og sektorar.
Ta i vare familieperspektivet.
Sikre informasjon til befolkninga og samarbeidspartar.
Ta i mot interne meldingar om mogleg behov for habilitering og rehabilitering

Les mer om sentrale oppgaver for koordinerende eining her (Helsedirektoratet)

Kven kan få koordinator og individuell plan?

Dersom du har behov for langvarige og koordinerte helse- og omsorgstenester, har du rett til å få utarbeidd en individuell plan og få ein koordinator.

«Langvarig» betyr at behovet strekk seg over ei viss tid, utan at det treng å vere varig.
«Koordinerte tenester» betyr at behovet gjeld fleire helse- og omsorgstenester, og at desse treng å bli sett i samanheng. Retten er uavhengig av alder, diagnose og funksjon.

Ein individuell plan skal berre utarbeidast dersom du sjølv ynskjer det. Du kan få tildelt ein koordinator sjølv om du ikkje ynskjer individuell plan. Ungdom over 16 år skal sjølv samtykke til individuell plan viss dei er i stand til det. Dersom den som får individuell plan ikkje har samtykkekompetanse, har næraste pårørande rett til å medverke.
Retten til individuell plan utløyser ingen fleire rettar eller tenester i seg sjølv.

Aktuelle lenker

Om individuellplan (IP)

Individuell plan er eit tilbod til deg som mottar hjelp frå to eller fleire instansar, og som har behov for langvarige og koordinerte tenester.
Individuell plan er ein skriftleg plan som kort beskriv deg som person, dine behov og ressursar og ynskjer for framtida. Planen vil innehalde ein oversikt over personar i ditt nettverk, mål du har satt deg og oversikt over tiltak og tenester.

Utarbeiding av individuell plan er ein prosess, og sjølve planen vil vere dynamisk og er å sjå som eit samhandlingsverktøy.
Ein individuell plan skal bidra til eit heilskapleg, koordinert og individuelt tilpassa tenestetilbod, og er eit verktøy for samarbeid mellom deg og hjelpeapparatet, og mellom dei ulike tenesteytarane.

Aktuelle lenker

Individuell plan

skal sikre at det til ei kvar tid er nokon som har ansvar for koordinering og målretting av tenestene og tiltaka dine
skal utarbeidast saman med deg og eventuelt pårørande
gir ein oversikt over kven som er involvert av tenestene rundt deg
beskriv både langsiktige og kortsiktige mål
skal ikkje erstatte detaljerte delplanar (eks. individuell opplæringsplan, behandlingsplanar, rehabiliteringsplanar, tiltaksplanar e.a.), desse inngår som delplanar av den individuelle planen.
er frivilleg, men du kan likevel be om å få oppnemnd ein koordinator
er gratis og medfører ingen økonomiske kostnadar for deg

Elektronisk individuell plan – Visma Flyt Samspill

Sunnfjord kommune brukar ei elektronisk og webbasert løysing for individuell plan som heiter Visma Flyt Samspill.

Visma Flyt Samspill blir brukt som samhandlingsverktøy og kommunikasjonsplattform mellom deg og tenesteytarane. Det er sikker innloggingsløysing (BankID), slik at ikkje andre enn dei som er med i ansvarsgruppa, har tilgang til planen.

Trykk her for innlogging til elektronisk individuell plan, Visma Flyt Samspill.

Koordinator opprettar elektronisk plan saman med deg som brukar/pårørande.
Saman med koordinator avklarar du kven som skal vere deltakar i ansvarsgruppa og få invitasjon som plandeltakar i Visma Flyt Samspill.
Du og tenesteytarane kan logge inn og enkelt få tilgang til møteinnkallingar, møtereferat, sende meldingar, oversikt over tenesteytarar og kontaktinformasjon.

Ingen tenesteytarar er fritekne frå å bruke verktøyet, dersom du ynskjer å bruke det.

Kva er ein koordinator?

Ein koordinator er ein tenesteytar som hjelp deg i møte med hjelpeapparatet.

Koordinatoren skal sørge for

at du blir følgt opp
at tenestetilbodet ditt blir samordna
framdrift i arbeidet med individuell plan
samarbeid og kontakt med aktuelle tenester
koordinering gjennom ansvarsgruppemøter

Ein koordinator er ikkje ei ny teneste som utløyser fleire ressursar, men er ei rolle som er lagt til ein tenesteutøvar som allereie er inne i apparatet rundt deg. Du kan sjølv foreslå kven du ønskjer som koordinator.

Informasjonsfilm om rettleiar for oppfølging av personer med store og samansette behov frå Helsedirektoratet

Kva er ein barnekoordinator?

Koordinerande team for barn og unge i Sunnfjord kommune har det overordna ansvaret for oppnemning, opplæring og rettleiing av barnekoordinator.

Familiar som ventar eller har barn med alvorleg sjukdom, skade eller nedsett funksjonsevne, og som vil ha behov for både

langvarige og samansette eller koordinerte helse- og omsorgstenester
andre velferdstenester (eks. tilrettelagt tilbod i barnehage/skule, NAV) har rett til barnekoordinator i samsvar med helse- og omsorgstenestelova § 7-2a.

Det er familien som har rett til barnekoordinator.

Barnekoordinatoren skal sørge for:

koordinering av det samla tenestetilbodet
å ha oversikt over og bidra aktivt til å ivareta kommunen sitt ansvar for nødvendig oppfølging og tilrettelegging for familien og barnet i form av tilbod om eller yting av helse- og omsorgstenester og andre velferdstenester
at familien og barnet får nødvendig informasjon og heilskapleg rettleiing om helse- og omsorgstenestetilbodet
at familien og barnet får nødvendig informasjon og heilskapleg rettleiing om andre velferdstenester og relevante pasient- og brukarorganisasjonar, at familien og barnet gis rettleiing i deira kontakt med desse, og at det formidlast kontakt eller tilvising vidare til slike tenester eller organisasjonar og
framdrift i arbeidet med individuell plan.

Kommunen sin plikt å samarbeide og samordne tenestetilbodet

Kommunen har plikt til å sørge for eit samordna tenestetilbod, sjølv om det ikkje føreligg rettskrav om koordinator/barnekoordinator etter helse- og omsorgstenestelova, dersom behovet for samarbeid mellom velferdstenester er til stades.
Den ulike tenestene, som for eksempel barnehage, skule, PPT, NAV eller barnevernet, har plikt til å vurdere om samarbeid er nødvendig for å gje barnet eller ungdommen eit heilskapleg og samordna tenestetilbod, og har eit ansvar for det skjer. Det er kommunen som har ansvar for at tenestene blir samordna.

Felles rutine for alle tilsette