Ein tryggleiksalarm er ein alarmknapp du kan nytte for å tilkalle hjelp i akutte situasjonar. Den kan bærast som eit smykke eller som ei klokke på handleddet. Når du trykker på alarmknappen vil alarmsentralen kontakte deg, dersom du har behov for fysisk bistand vil helsepersonell komme til deg.

Tryggleiksalarmen har innebygd SIM-kort og koplast opp via mobilt nettverk. Du får også utlevert ein alarmboks slik at alarmsentralen har moglegheit til å kommunisere med deg. Alarmsentralen har bemanning heile døgnet.

Slik brukar du tryggleiksalarmen:

• Du har alarmen på som eit smykke eller som ei klokke.
• Når du trykker på alarmknappen vil alarmen gå til alarmsentralen i Florø, som vil ta kontakt med deg. Dersom dei ikkje får svar gir dei beskjed til helsepersonell som har ansvar for deg

Kven passar tenesta for?

Tryggleiksalarmen passer for deg som bur heime og har ein sjukdom eller tilstand som gjer at du har behov for å tilkalle hjelp i akutte situasjonar

Nyttig informasjon:

• Du må gi løyve til at nøkkelboks/elektronisk lås vert montert ved inngangsdøra di.
• Ved alarmar knytta til heimetenesta, kan det ta inntil ein time før heimetenesta kan vere hos deg. Dette avheng av køyretid og kor raskt ein får avslutte pågåande oppgåver på forsvarleg måte.
• Du må betale månadsabonnement for leige av tryggleiksalarmen.
• Det er ein månad oppseiingstid.
• Tryggleiksalarmen må leverast inn etter endt behov. Du tek kontakt med involvert tenesteleverandør t.d. heimesjukepleien, bu- og miljøtenesta eller andre. De avtaler henting/levering av alarmen og tenesteleverandør ser til at saka vert avslutta.
• Helsepersonell gjev deg opplæring i bruk av tryggleiksalarmen.
• Sunnfjord kommune tek atterhald om retten til å inndra tryggleiksalarmar som ikkje vert brukt i tråd med tildelingskriteria.
• Vedlikehald og reparasjonar som følgje av vanleg bruk vert dekka gjennom abonnementet.

Døralarm kan vere aktuelt for deg som bur heime og har nedsett orienteringsevne. Døralarm kan bli brukt i staden for vanleg tilsyn. Dette kan vere i tilfelle der tilsyn skapar uro på natt og som går ut over søvnkvalitet din

Nyttig informasjon:

• Døralarmen blir montert på ytterdør av ein serviceteknikar.
• For at døralarmen skal fungere må ein ha ein tryggleiksalarm
• Døralarmen er gratis om du har tryggleiksalarm frå før.
• Dersom Sunnfjord kommune skal nytte døralarm som eit tiltak krevast det eit samtykke eller særskilt vurdering opp mot lovverket. Døralarm blir sett på som inngripande teknologi.

Bilde av ein døralarm. Henta frå Careium si nettside

Lokaliseringteknologi  inneberer at du får ein GPS-einhet som du har med deg på tur. Ein app med eit kart kan nyttast på PC, nettbrett eller smarttelefon for å sjå kvar du befinner deg. Ved oppstart av tenesta avtales det med deg og eventuelt dine pårørande om det skal gjerast søk i kartet til bestemte tidspunkt eller i visse situasjonar. Det vert gitt opplæring i bruk av teknologien. Viss du ønsker det kan også dine pårørande vere ein del av tenesta ved å for eksempel motta varsel og vere den som møter deg og hjelper deg heim viss du har behov for det.

Slik brukar du lokaliseringsteknologi:

• Du vil få ein GPS eining som du har med deg.
• Helsepersonell og/eller pårørande kan sjå kvar du er i ein app på PC, nettbrett eller smarttelefon.
• Vi kan sette opp eit elektronisk gjerde for eit området på kartet, til dømes bort til naboen. Dersom du går utanfor dette elektroniske gjerde vil helsepersonell eller pårørande få eit varsel om at du har flytta deg, og dei kan sjekke kvar du er. 

Ved oppstart avtalar vi med deg og eventuelt dine pårørande om vi skal gjere søk i kartet til bestemte tidspunkt eller visse situasjonar.

Kven passar tenesta for?

Personar med orienteringsvanskar som ønsker å bevege seg ute.

Før GPS kan tildelast må ei vurdere:

• Samtykkekompetanse
• Trafikksikkerheit
• Funksjonsnivå, vaner og rutinar

Viktig å tenke på:

• Korleis sikre at GPSen blir med ut på tur?
• Korleis skrike at GPSen lades?

GPS må ladast. Batterikapasiteten på GPS blir påverka av kor mykje den blir brukt. Viss den blir brukt mykje må det lades oftare. Hovudregelen er at den bør lades kvar kveld. Du kan få hjelp med å lade GPS viss du har behov for dette.

Har kommunen lov til å nytte GPS?
Før tenesta kan takast i bruk må det vurderast om personen kan samtykke til å ta imot tenesta. Med samtykkekompetanse meinast det at personen må vere i stand til å forstå kva han eller ho seier ja til.
Ved manglande samtykkekompetanse må det vurderast om det er hjemmel i lovverket for å ta i bruk teknologien. Vurderinga skal begrunnast og dokumenterast i pasientjournalen. Kartlegginga utførast av helsepersonell i samarbeid med lege og eventuelt pårørande.

Elektronisk medisindispenser kan vere ein mogleg måte å få hjelp til å ta dine medisinar på. Ein elektronisk medisindispenser gir deg eit varsel når medisin skal tas. Løysninga har også moglegheit til å varsle pårørande eller helsepersonell viss ikkje medisin takast ut av dispenseren til rett tid.

Slik brukar du dispenseren:

• Medisindispenseren gir rettleiing til å ta medisin ved hjelp av lyd og lyssignal. I tillegg er det instruksar på skjermen med stor skrift.
• Dersom du ikkje tar medisin til rett tid vil det gå eit varsel til helsepersonell eller pårørande om at medisinen ikkje er tatt.

Nytting informasjon:

• Medisindispenseren går på straum. Det er eit batteri som varer i 24 timer om det skulle vere straumbrot.
• Tenestemottakar med stive ledd eller skjelvingar kan ha problem med å opne multidosen, så roboten hjelper deg ved å forhandsskjære multidosen.
• Medisindispenseren har ein reisemodus funksjon som gjer den i stand til å ut medisinar i ein perioden når du er på reise.