Raud avdeling 1–3 år
Telefon: 48 01 04 46 / 98 81 30 86
Pedagogisk leiar: Mariann Ringstad Loen

Gul avdeling 1–3 år
Telefon: 48 01 04 47
Pedagogisk leiar: Anette Naustheller
Pedagogisk leiar: Ann Kristin Oppedal

Lysegrøn avdeling 4–6 år
Telefon: 48 01 04 48
Pedagogisk leiar: Linda Sørbø Neset
Barnehagelærar: Mari Krøke

Mørkegrøn avdeling 4–6 år
Telefon: 48 01 04 49
Pedagogisk leiar: Bente Kusslid Skilbrei
Barnehagelærar: Svanhild Tennebø

Sunde barnehage årsplan 2026 - 2029.pdf (PDF, 922 kB)

Fokusområde

• Tryggleik - stabile og nære vaksne i tilvenninga
• Leik og språk - skape gode relasjonar, sosial kompetanse og vennskap.
• Overgangar - sikre god overgang mellom heim og barnehage, internt i barnehagen og frå barnehage til skule
• Livsmeistring - om å tole å bære sin eigen bagasje
• Inkluderande barnehage - nulltoleranse for mobbing, førebygge utestenging og krenking

Alt dette handlar om tidleg innsats. God og tidleg gjennsidig dialog mellom foreldre og tilsette. Tett dialog med eksterne instansar når det er naudsynt. Samarbeid til beste for barnet!

Planleggingsdagar

• Her finn du oversikt over planleggingsdagane til kommunale barnehagar i Sunnfjord kommune

Samarbeidsutvalet er samansatt av 2 foreldrerepresentantar, 2 personale og 1 frå eigarane (kommunen). Styrar har møterett og er referent i utvalet.

Samarbeidsutvalet 2025–2026:

• Eirin Lund-Førde – leiar
• Magnus Tørring-Jørgensen – nestleiar
• Vara: Camilla Vallestad og Tommy Aasen
• Bente Kusslid Skilbrei (personalrepresentant)
• Marit Seljevoll (personalrepresentant)
• Tore Fossen  (eigarrepresentant)
   

Samarbeidsutvalet skal vere eit rådgjevande, kontaktskapande og samordnande organ. Utvalget skal få inn saker som er viktige for innhaldet i barnehagen og for forholda til foreldra (Rammeplan for barnehagar).

Det er individuelt kor lang tid barnet treng på tilvenninga. Ofte er det 3 dagar du har rett på frå arbeidsgjevar, men mange barn treng lenger tid for å bli trygge i barnehagen. Hovudregelen er at det er viktig å bruke god tid. Dei første dagane bør ikkje vere for lange, spesielt dersom barnet viser teikn til at det er slitsom å vere i barnehagen.

Første dag møter de primærkontakten til barnet. Opphaldet har ei ramme på 2-3 timar, kor foreldrene er med heile tida. 
Andre dag ønskjer vi at barnet er i barnehagen litt lenger enn dag ein. Barnet kan gjerne kvile/sove visst det er aktuelt. Foreldra legg barnet med primærkontakt til stades. Denne dagen kan foreldra gjerne ta seg ein liten tur vekk frå barnehagen etter avtale med barnet og primærkontakten. 
Tredje dag kan barnet truleg ha ein lenger dag i barnehagen. 

Primærkontakt eller ped.leiar, og den enkelte forelder planlegg resten av tilvenningstida, utifrå korleis barnet har reagert dei første tre dagane. 

Barnet skal vere kledd slik at det til ei kvar tid kan delta i leik og aktivitetar inne og ute. Ein hovudregel er at barnet har 3 sett med skifteklede, innesko, støvlar og regnklede i barnehagen til ei kvar tid. Vinterstid må barnet i tillegg ha vottar, huer og ein god varm dress. Elles godt med varme klede som t.d ull og fleece. 

Barn som brukar bleier tek med dette sjølve. Personalet varslar når det er behov for meir bleier. 

Skal barnet sove ute i vogn, tek foreldre med eigna vogn heimanfrå. Foreldre er ansvarlege for at vogna er i forsvarleg stand og har det utstyret som trengst (td. voksipose, myggnetting og selar).
Barnehagen ordnar med seng el madrass og dyne, for barn som søv inne. 

Barn som er avhengig av smokk, flaske, kosedyr/koseklut osv., kan sjølvsagt ha med seg dette heimanfrå.

• Allmenntilstanden til barnet avgjer om barnet er frisk nok til å vere i barnehagen.
• Barnet må vere friskt nok til å vere ute.
• Barn som er sjuke skal ikkje vere i barnehagen, av omsyn til barnet sjølv og med tanke på smitte til dei andre i barnehagen. 
• Ved diarè/oppkast, skal barnet vere heime 48 timar etter siste utbrot.
• Går barnet på penicilin, kan personalet gi dette, mot kvittert løyve frå foreldre.

Er du fortsatt usikker på rutinane? Kontakt personalet på avdelinga.

Du finn og informasjon om barns sjukdom på folkehelseinstituttet (FHI) sine sider:
FHI, når må barnet være hjemme fra barnehagen?

Det er viktig at du informerer godt dersom barnet har allergiar eller er intolerant for enkelte matvarer. 
Dette for at personalet og foreldrene i avdelinga skal kunne ta nødvendige førehandsreglar for ditt barn. 

• Treng barnet akuttmedisin pga allergi, er du ansvarleg for at personalet får den opplæringa som trengst. Opplæringa kan og gjevast av helsepersonell. I slike tilfeller skal det også fyllast ut medikamentliste saman med personalet. 
• Vanlegvis handlar barnehagen inn mjølk, brød og pålegg til barn som er intolerant mot enkelte matvarer. I spesielle høve må foreldre ordne dette sjølve.