Solsikke 1-2 år
Telefon: 48 09 41 10
Pedagogisk leiar: Anne Turid Bolset

Blåklokke 2-3 år
Telefon: 48 15 18 35
Pedagogisk leiar: Karianne Fossheim

Skogstjerne 4-5 år
Telefon: 48 18 02 54
Pedagogisk leiar: Eli Sunde Kjøsnes
Barnehagelærar: Miriam Sunde Årseth

Røsslyng 5-6 år
Telefon: 97 95 48 80
Pedagogisk leiar: Kirsti Skrede
 

Årsplan: (Kjem snart)

Fokusområde:
I Skei barnehage arbeider vi kontinuerleg med å utvikle eit godt og inkluderande barnehagemiljø. Dette barnehageåret har vi særleg fokus på:

•    Leik, som grunnlag for trivsel, vennskap, læring og utvikling.
•    Det fysiske leikemiljøet, slik at romma og uteområda våre inspirerer til utforsking, kreativitet og variert leik.
•    Samlingsstund for alle, der fellesskap, deltaking og gode opplevingar står i sentrum.
•    Laget rundt barnet, med vekt på godt samarbeid mellom føresette, barnehage og andre samarbeidspartnarar til beste for barnet.
•    Det regulerte barnet – korleis møter vi urolege barn, der vi arbeider med å forstå og støtte barn sine kjensler og behov gjennom trygge og omsorgsfulle vaksne.

Barnehagen er stengd på planleggingsdagane. Desse dagane blir nytta til planlegging og utvikling av det pedagogiske tilbodet, fagleg oppdatering og kompetanseheving for personalet.

I samsvar med vedtektene for kommunale barnehagar i Sunnfjord kommune har barnehagen fem planleggingsdagar i løpet av barnehageåret. I følgje vedtekter for kommunale barnehagar i Sunnfjord kommune §14, skal barnehagane ha 5 planleggingsdagar i løpet av barnehageåret.

For barnehageåret 2026/2027 er planleggingsdagane fastsett slik: 
•    Fredag 14.08.26
•    Fredag 06.11.26
•    Måndag 25.01.27
•    Måndag 15.03.27
•    Fredag 04.06.27 

Samarbeidsutvalet er eit rådgjevande, kontaktskapande og samordnande organ for barnehagen. Utvalet består av representantar frå foreldre, tilsette og eigar, og skal bidra til eit godt samarbeid mellom heim og barnehage. Samarbeidsutvalet behandlar saker som er viktige for barnehagen sitt innhald, drift og utvikling.

Einingsleiar i barnehagen deltek i samarbeidsutvalet og har ansvar for å kalle inn til møte, førebu saker og skrive referat frå møta.

Samarbeidsutvalet i barnehagen 2026–2027:

Foreldrerepresentantar:
•    Ida Marie Osland 
•    Siv Bolset 
•    Cathrine Gåsemyr 

Personalrepresentantar:
•    Anne Turid Bolset 
•    Sissel Dvergsdal Lothe 

Eigarrepresentant frå kommunen:
•    Oddne Skrede 

Å starte i barnehagen er ein stor overgang for både barn og føresette. I Skei barnehage ønskjer vi å leggje til rette for ein trygg og god start, der barnet gradvis får bli kjent med nye vaksne, nye barn og nye omgjevnader.

Dei tre første dagane er tilvenningsdagar der føresette er med barnet i barnehagen for å skape tryggleik og støtte i den nye kvardagen. Pedagogisk leiar på avdelinga tek kontakt i forkant og gjer avtalar om oppmøtetidspunkt.

Dag 1
Den første dagen er føresette saman med barnet gjennom heile opphaldet. Barnet får bli kjend med barnehagen, dei andre barna og personalet i trygge rammer. Vi tilrår at dagen ikkje blir for lang, då mange nye inntrykk kan vere krevjande for barnet. For dei fleste barn er eit par timar nok den første dagen.

Dag 2
Den andre dagen er føresette med barnet ei stund på avdelinga. Etter kvart vil barnet få høve til å utforske meir på eiga hand, medan føresette framleis er tilgjengelege i nærleiken. Vi avtalar saman når det er naturleg å prøve ei avskjed. Vi ønskjer at føresette er innan kort avstand frå barnehagen, og kan kome raskt tilbake dersom det er behov.
Dersom barnet skal sove avtalar vi saman korleis dette skal blir gjennomført. Målet er at både barn, føresette og personalet skal bli kjende med barnet sine rutinar og behov.

Dag 3
Den tredje dagen prøver vi så langt som mogleg å gjennomføre dagen som ein vanleg barnehagedag, men ofte noko kortare enn ein ordinær dag. Føresette følgjer barnet inn og tek avskjed etter kort tid. Tidspunkt for henting avtalar vi ut frå barnet sine behov og korleis tilvenninga utviklar seg.

Tilvenning på barnet sine premissar
Alle barn er ulike og reagerer forskjellig på å starte i barnehagen. Nokre barn finn seg raskt til rette, medan andre treng meir tid for å kjenne seg trygge. Vi tek omsyn til dette og tilpassar tilvenninga etter det enkelte barn sine behov. For oss er det viktig med ein tett og god dialog med dykk som føresette. Saman skaper vi ein trygg og god start på barnehagetida i Skei barnehage.

For at barnet skal kunne delta aktivt i leik og aktivitetar både inne og ute, er det viktig å ha klede og utstyr tilpassa vêr, årstid og behov.

Skifteklede inne
Barnet bør alltid ha følgjande tilgjengeleg i garderoben:
•    Bukse 
•    Genser 
•    Body/t-skjorte og truse
•    Strømpebukse/stillongs
•    Sokkar og tjukke-sokkar
•    Ull-underkle eller tilsvarande i den kalde årstida
•    Tøflar/innesko
Det er fint om de sorterer kleda, legg dei i klip-posar i korga og merkar kva som ligg der. Då blir det enklare for både personalet og føresette å halde oversikt over kva klede barnet har, og kva det eventuelt treng.

Bleieskift og stell
For barn som brukar bleier, ta med:
•    Bleier (med opning i sidene)
•    Våtserviettar eller tørrserviettar
•    Sinksalve eller annan krem ved behov
Personalet gir beskjed når det er behov for påfyll av bleier og utstyr.

Klede og utstyr til uteleik
Barna er ute i all slags vêr, og det er derfor viktig at dei har klede som passar til årstida. Barnet bør ha dette i garderoben:
•    Utedress 
•    Regnklede
•    Ull- og fleeceklede, til bruk under dress eller regnklede
•    Støvlar og gode sko som tålar vatn og snø
•    Hue (gjerne både ei tynn og ei varm hue)
•    Vottar (både regnvottar og varme-vottar)

Anna utstyr
Dersom barnet skal sove ute i vogn, må føresette ta med eigna vogn til barnehagen. Vogna må vere i god og forsvarleg stand, og at den er utstyrt med det barnet treng (til dømes vognpose, myggnetting m.m.).
Alle barn må ha med eiga drikkeflaske merka med namn sitt. Flaska blir brukt gjennom heile dagen, både på avdelinga og når ein er på tur. 
Barn som er avhengige av smokk, tåteflaske, kosedyr, koseklut eller andre ting som gir tryggleik og trøyst i kvardagen, kan sjølvsagt ha dette med seg i barnehagen.

Hugs å merke klede, sko og anna utstyr med namn. Dette gjer det enklare å halde oversikt over barnet sine eigedelar.

Det er allmenntilstanden til barnet som avgjer om ein er friskt nok til å vere i barnehagen. Barnet bør vere i god nok form til å kunne delta i vanlege aktivitetar både inne og ute. Barn som er sjuke, skal vere heime. Dette er viktig både av omsyn til barnet sitt eige behov for kvile, og for å redusere smitte til andre barn og tilsette. Ved oppkast eller diaré skal barnet vere heime i minst 48 timar etter siste symptom.

Dersom barnet går på penicillin eller annan nødvendig medisin, kan personalet hjelpe med medisinering etter skriftleg samtykke frå føresette.

Er du usikker på om barnet bør vere heime eller kan kome i barnehagen, ta gjerne kontakt med personalet på avdelinga for råd og rettleiing. 

Du finn oppdatert informasjon om vanlege barnesjukdomar og anbefalingar for når barn bør vere heime frå barnehagen på Folkehelseinstituttet (FHI) sine nettsider