Opningstider
- Hatlehaugen barnehage har ope måndag til fredag klokka 07.00–16.30.
- Vi har ope heile sommaren. Borna må ta ut tre veker samanhengande ferie i løpet av sommaren i perioden 1. juni til 1. september. Dei som skal byrje på skule må ta ut ferien før skulestart i midten av august månad.
- Barnehagen er stengt jul- og nyttårsaftan.
- Fredag 16.august 2024
- Fredag 1. november 2024
- Måndag 20. januar 2025
- Måndag 17. mars 2025
- Fredag 6. juni 2025
Dagsrytme
- 07.00 Barnehagen opnar
- 07.00 -8.45 Felles frukost
- 09.00 Leik ute og/eller inne
- 09.00 Morgonmøte. Utveksling av informasjon om dagen
- 09.30 Planlagde aktivitetar
- 11.30 Samlingstund
- 12.00 Måltid. Lunsj hovudsakleg avdelingsvis
- 12.30 Kviling/soving
- 13.30 Leik/bordaktivitet
- 14.00 Fruktmåltid
- 14.30 Leik ute/inne
- 16.30 Barnehagen stenger
NB! Vi ynskjer at dei som skal ete frukost i barnehagen må vere komen til kl. 08.00
Tilvenning
Vi sender ut brev med dato for besøk i barnehagen før tilvenning, der vi set opp ein dag der barn og foreldre kan besøke barnehagen. Besøka vert som regel i mai eller juni månad, om barnet skal starte i barnehagen august månad.
Vi oppfordra nye barn med foreldre å komme innom på besøk til barnehagen før sjølve startdato i barnehagen, slik at både barnet og du vert gradvis kjend med barnehagen, borna og dei tilsette. Dette kan vere godt for både foreldre og barn sin tryggleik, og kan vere med på å få ei smidigare tilvenning seinare.
Når det nærmar seg oppstart vil du få brev med dato og klokkeslett for første ordinære dag i barnehagen. I tillegg vil du få anna praktisk informasjon om Hatlehaugen barnehage.
Lengda på tilvenningstida vil variere mykje frå barn til barn, men foreldra bør avsette minimum tre dagar til tilvenning.
Under sjølve tilvenninga i barnehagen vil barna få ein tilknytingsperson/primærkontakt som vil følgje opp barnet og foreldra den første tida i barnehagen. I samarbeid med foreldra vil primærkontakta vurdere dag for dag korleis gjennomføre tilvenninga utifrå kor trygt barnet er.
Vi har ein tilsett som har ansvar for ditt barn den første tida i barnehagen. Vi kallar det for "primærkontakt" eller tilknytningsperson. Under tilvenningsperioden vil primærkontakta vere den du og ditt barn vil ha mest kontakt med. Primærkontakta har ansvar for å skape kontakt og tryggleik med ditt barn, og hjelpe det å finne seg til rette i Hatlehaugen.
Det er viktig for barna å alltid vite kvar foreldra er under tilvenninga. Vi ynskjer derfor at du seier "hadet" til barnet kvar gang du skal gå ut frå avdelinga/ barnehagen.
Prisar
Sjukdom
Barn, kle og påkledning
Det er fint om barna har romslege og gode kle til å bevege seg i. Kle som er komfortabelt for barna i leik og aktivitet både ute og inne, og ikkje er til hinder for barn sine bevegelsar.
I tillegg vert barn meir sjølvhjelpte med påkledning når kle er romslege. Kanskje kan de som foreldre vere merksame på at det er lettare for barna å klare påkledinga når det er borrelås på sko og gode strikk i kle, i motsetning til skolisser, knappar, små glidelås og lite elastiske/harde strikk. Kle som har glidelås med godt gripetak er også til stor hjelp for barna.
Vottar og sko må ikkje vere for romslege. Om vottar er for store mister barna mulegheitene til å gripe om bøtter, spader og liknande. Store sko er til hinder for barna i motorisk aktivitet. Medan tronge sko eller sko som er vanskeleg å ta på, og gjer barna mindre sjølvhjelpne.
For personalet i barnehagen er det også godt at barna har romslege kle, borrelås, gode strikk og glidelåsar med godt gripetak. Dette kan vere med på å gjere ein elles travel arbeidsdag litt mindre slitsam, spesielt for slitne vaksne hender.
Vi minner om at:
- alle barna skal ha tøflar/innesko som sitter godt på foten
- barna må ha reserveklede i barnehagen (frå øverst til nedst, frå innerst til ytterst)
- kle og sko må merkast
- alle barna bør ha med regnklede og støvlar kvar dag
Kle barna riktig i vinterkulda