Alle som som har mistanke eller kjenner til at eit barn ikkje har eit trygt og godt barnehagemiljø har plikt til å melde i frå. 

Du treng ikkje å vere heilt sikker, har du ein mistanke skal du melde i frå slik at barnehagen kan følgje opp saka og avdekke om barnet har eit utrygt barnehagemiljø.

Alle som har mistanke eller oppdagar at eit barn ikkje har eit trygt og godt barnehagemiljø kan melde frå.

Døme på kven som kan melde frå:

• Barn
• Foreldre
• Tilsette i barnehagen
• Reinhaldar
• Vaktmeister
• PPT
• Helsesjukepleiar
• Studentar

I dei aller fleste tilfella skal du melde frå til styrar i barnehagen. 

Det er styrar som har ansvar for å følgje opp mistanken om eit utrygt barnehagemiljø og melde frå til barnehageeigar.

Når ein av desse medverkar til eit utrygt barnehagemiljø skal du melde frå til styrar:

• Barn
• Foreldre
• Tilsette i barnehagen
• Andre som er innom barnehagen

Dersom du mistenker at styrar er den krenkar barnet skal du melde frå direkte til barnehageeigar/kommunalsjef. I desse tilfella er det barnehageeigar som har ansvar for å følgje opp saka.