Ansvarsområde

Kommunestyret er det øvste, styrande organ i kommunen. Kommunestyret handlar på vegne av kommunen i alle saker som ikkje er delegert til andre kommunale organ. Kommunestyret fører tilsyn med kommunen si samla verksemd, vedtek budsjett og ønonomiplan, vel medlemmer til formannskap, utval, styrer og råd. 

Møte kvar månad

Kommunestyret har møte ein gong kvar månad. Ordføraren kallar inn til møte. Kommunestyremøta er opne for publikum. Du kan du sjå møta direkte eller som opptak via KommuneTV. 

Møteplan og kontaktinformasjon 

Samansetting

Sunnfjord kommune har 45 representantar i kommunestyret. 

• Her ser du kven som er valde inn i kommunestyret (PDF, 73 kB)
• Her finn du bilde av kommunestyrerepresentane og kva parti dei tilhøyrer.

Ansvarsområde

Formannskapet har ansvaret for den overordna økonomiske planlegginga i Sunnfjord kommune og skal utarbeide årsbudsjett og økonomiplan. I tillegg har formannskapet følgande ansvarsområde og gjeremål:

• Tverrsektorielt interkommunalt samarbeide og kontakt
• Kommuneplanlegging (kommuneplanen sin samfunns- og arealdel), arealplanlegging og andre saker etter plan- og bygningslova, med unntak av kommunedelplanar og fagplanar som vert handsama av hovudutvala
• Sivilt beredskap
• Kommunen si klagenemnd for klager på planvedtak etter reglane i plan- og bygningslova
• Andre saker som naturleg ikkje høyrer under hovudutvala sine ansvarsområde

Møteplan og kontaktinformasjon

Leiarskap

Jenny Følling (SP) er ordførar og leiar av formannskapet.

Anne Lilleaasen (H) er varaordførar og nestleiar av formannskapet.

Samansetting

Formannskapet har 11 medlemmer. 

Medlemmer og varamedlemmer (PDF, 20 kB)

Ansvarsområde

Utvalet for helse og omsorg har ansvar for psykisk helsevern og rus, sosiale tenester,  pleie- og omsorg, barnevern og andre saker som naturleg høyrer under helse-, sosial- og omsorgssektoren.

Møteplan og kontaktinformasjon

Leiarskap

Sara-Marie Horsevik (AP) er leiar av utvalet.

Eldrid Skudal (SV) er nestleiar av utvalet.

Samansetting

Utvalet for helse og omsorg har 11 medlemmer. 

Ansvarsområde

Utvalet for samfunn, kultur og næring har mellom anna ansvar for kultur, næring, landbruk, teknisk og miljø.

Møteplan og kontaktinformasjon

Leiarskap

Rune Hegrenes (SP) er leiar av utvalet.

Laila Vilnes Helgheim (H) er nestleiar av utvalet.

Samansetting

Utvalet for samfunn, kultur og næring har 11 medlemmer. 

Ansvarsområde

Utvalet for oppvekst har ansvar for skule, barnehage, vaksenopplæring, flyktningsteneste, PP-teneste, og andre saker som naturleg høyrer under oppvekstsektoren.

Møteplan og kontaktinformasjon

Leiarskap

Norunn Lunde Furnes (KRF) er leiar av utvalet.

Erlend Herstad (SP) er nestleiar av utvalet.

Samansetting

Utvalet for oppvekst har 11 medlemmer. 

Medlemmer og varamedlemmer (PDF, 22 kB)

Ansvarsområde

Kontrollutvalet fører tilsyn med den kommunale forvaltninga på vegne av kommunestyret. Kontrollutvalet har mellom anna følgande oppgåver:

• Sjå til at kommunen sine rekneskap blir revidert på ein trygg måte.
• Føre kontroll med at den økonomiske forvaltninga er i samsvar med gjeldande føresegner og vedtak.
• Syte for at det blir gjennomført forvaltningsrevisjon av kommunen si verksemd, og av selskap kommunen har eigarinteresser i.
• Syte for kontroll med forvaltninga av kommunen sine eigarinteresser i selskap mv. (eigarskapskontroll).
• Sjå til at kommunestyret sine vedtak om revisjonsrapportar vert følgde opp.

Møteplan og kontaktinformasjon

Leiarskap

Kari Daltveit (AP) er leiar av kontrollutvalet.

Kjell Navelskaer (UA) er nestleiar av kontrollutvalet.

Samansetting

Kontrollutvalet har 5 medlemmer, med personleg varamedlem. 

Sunnfjord kommune har to klageutval, eitt ordinært klageutval og eitt klageutval for behandling av klager etter sosialtenestelova og kommunehelselova (klageutvalet HS).

Ansvarsområde:

Klageutvalet HS behandler saker etter sosialtenestelova og kommunehelselova.

Det ordinære klageutvalet behandler og avgjer klagesaker der det er gjort enkeltvedtak av kommunalt forvaltningsorgan, med mindre:

• Særlov fastset anna klageinstans
• Departementet (Fylkesmannen) er klageinstans etter forvaltningsloven § 28
• Kommunestyret har lagt avgjerdsmynde til annan særskild klageinstans

Møteplan og kontaktinformasjon - Klageutvalet

Møteplan og kontaktinformasjon - Klageutvalet HS

Leiarskap:

Ove Varlid (SP) er leiar av utvala.

Olin Johanne Henden (H) er nestleiar av utvala.

Samansetting:

Det ordinære klageutvalet har 7 medlemmer, medan klageutvalet HS har 5 medlemmer.

Ansvarsområde

Administrasjonsutvalet har ansvar for dei oppgåvene som gjeld tilhøvet mellom dei tilsette og kommunen som arbeidsgjevar, og som ikkje er lagt til andre organ, jf. § 5-11 i kommunelova og del B § 4 i Hovudavtalen.

Administrasjonsutvalet skal mellom anna fastsette lønsvilkår for kommunedirektøren.

Møteplan og kontaktinformasjon

Leiarskap

Anne Lilleaasen (H) er leiar av utvalet.

Oddmund Klakegg (SP) er nestleiar av utvalet.

Samansetting

Adminstrasjonsutvalet har 7 medlemmer, fem valde av kommunestyret for fire år og to valde av arbeidstakarorganisasjonane for to år.  

Ansvarsområde

Eldrerådet skal bidra til at eldre i Sunnfjord får open, brei og tilgjengeleg medverknad i arbeidet med saker som gjeld for eldre.

Rådet skal arbeide for å betre dei eldre sine levekår for å gi eldre ein trygg og innhaldsrik alderdom.

Møteplan og kontaktinformasjon

Leiarskap

Per Kjelstad er leiar av eldrerådet. 

Asbjørn Fjose er nestleiar av eldrerådet 

Samansetting

Eldrerådet har 7 medlemmer, 2 representantar frå kommunestyret og 5 valde etter innspel frå brukarorganisasjonar.  

Ansvarsområde

Rådet skal arbeide for at menneske med nedsett funksjonsevne vert sikra open, brei og tilgjengeleg medverknad i arbeidet med saker som gjeld for menneske med nedsett funksjonsevne.

Rådet skal medverke til at menneske med nedsett funksjonsevne får tilgang til tenester og informasjon som er nødvendig for å kunne fungere best mogleg i kvardagen.

Møteplan og kontaktinformasjon

Leiarskap

Anette Vågene Shanks er leiar av rådet for menneske med nedsett funksjonsevne. 

Stein Erik Øvrebø er nestleiar av rådet for menneske med nedsett funksjonsevne.

Samansetting

Rådet har 7 medlemmer, 2 representantar frå kommunestyret og 5 valde etter innspel frå brukarorganisasjonar.  

Ansvarsområde

Ungdomsrådet skal bidra til at ungdom i Sunnfjord kommune får open, brei og tilgjengeleg medverknad i arbeidet med saker som gjeld for ungdom.

Ungdomsrådet delar ut tilskotsmidlar til aktivitet og tiltak for barn og ungdom, sjå meir informasjon om ordninga.

Møteplan og saksdokument

Leiarskap

Wiktoria Bujnicka er leiar i ungdomsrådet. 

Johannes Avedal er nestleiar i ungdomsrådet. 

Anne Karin Solheim Rygg er sekretær i ungdomsrådet. 

Samansetting

Ungdomsrådet har 20 medlemmer, som blir valde for eitt år. Rådet er samansett av 2 representantar frå kvar skule med ungdomstrinn og vidaregåande skule, samt 2 representantar etter innspel frå organisasjonar som representerer ungdom.