Du kan be om innsyn i alle offentlege dokument, journalar og register. Dette blir kalla innsynsrett og er bestemt i Offentleglova. 

Hovudregelen er at alle kan krevje innsyn i saksdokument, journalar og andre liknande register. Lova inneheld også føresegner om kva som blir rekna som dokument og når eit dokument blir offentleg.

Lov om rett til innsyn i dokument i offentleg verksemd (offentleglova)
Rettleier til offentleglova (PDF fea regjeringen.no)

Alle saksdokument i kommunen er offentlege viss det ikkje er gjort unntak som er heimla i lov.  Sjølv om eit dokument kan vere halde unna offentleg innsyn, skal kommunen vurdere om dokumentet likevel bør kunne gjerast kjent heilt eller delvis (meirinnsyn).

Eit dokument er ikkje berre papirbasert informasjon, men i prinsippet all informasjon som er lagra. Du har likevel berre innsyn i databasar viss informasjonen kan søkjast opp på ein enkel måte.

Du kan bli nekta innsyn i interne dokument, men som hovudregel skal du likevel få innsyn i:

• Saksliste eller saksdokument til kommunestyre eller anna kommunalt folkevalt organ.
• Dokumenter til/frå kontrollutvalet, klagenemnda eller kommunale revisjonen til kommunen.
• Dokumenter til/frå einingar i administrasjonen som har sjølvstendig avgjerdsmakt for saka dokumentet gjeld.

• Sakshandsaming som skjer i dei ulike fagsystema, kjem ikkje fram i denne innsynsløysinga.
• Pasient- og klientsaker er saksområde som i sin heilskap ikkje blir publisert på internett. Partsinnsyn er heimla i forvaltningslova § 18.
• Dokument frå dei fire tidlegare kommunane Førde, Jølster, Gaular og Naustdal kjem ikkje fram i innsynsløysinga. Send e-post til postmottak@sunnfjord.kommune.no om du ønsker innsyn i slike dokument.

Viss du ønsker innsyn i ei sak, kan du bestille det direkte frå postlista eller sende e-post til postmottak@sunnfjord.kommune.no. Sensitive opplysningar skal ikkje sendast på e-post.

Om ditt krav om innsyn blir avslått, skal kommunen vise til den lovheimelen som avslaget er grunna i. Kommunen skal også opplyse om klagemoglegheit og klagefrist. Statsforvaltaren  i Vestland er klageinstans, men klaga skal sendast til kommunen. 

Du har også klagerett viss du ikkje har fått svar innan fem arbeidsdagar etter at kommunen har fått kravet. Dette blir då rekna som eit avslag.

I samsvar med offentleglova § 32, kan avslaget klagast på innan 3 veker frå avslaget er mottatt.

Klaga skal avgjerast så snart som mogleg. I tilknyting til klagebehandlinga kan statsforvaltaren også bestemme at dokumentet skal gjerast kjent heilt eller delvis etter regelen om meirinnsyn.

Du har alltid klagerett over avslag på innsyn

Eventuell klage sendast til Sunnfjord kommune, Postboks 338, 6802 Førde eller på e-post til  postmottak@sunnfjord.kommune.no Vi minner om at sensitive opplysningar ikkje skal sendast på e-post. Statsforvaltaren i Vestland er klageinstans.