Sjå forslaga i plan og designkonkurransen for visningssenter ved Astruptunet i nettsak til NAL
«Det er svært gledeleg å sjå den store interessa nasjonalt og internasjonalt for kunstnarheimen til Nikolai Astrup. Etter at hus og hage i Astruptunet er blitt restaurert, vil det vere ein stor verdi å få på plass eit visningssenter der vi kan ta i mot besøkande og formidle kunsten og ta vare på kunstnarheimen til Astrup», seier juryleiar Jenny Følling
Juryen har hatt eit omfattande og interessant arbeid med å gå gjennom alle dei 163 innkomne forslaga i prekvalifiseringa, for å finne fram til fire finalistar som går vidare til plan og designkonkurransen.
Den store interessa viser Nikolai Astrup og Astruptunet sin sterke posisjon både i nasjonal og internasjonal samanhang. Det er eit privilegium å ha så mange spennande forslag å velje mellom, seier Hilde Bjørkum.
Jurymedlem Ingeborg Mellgren Mathiesen seier at ho føler det som eit stort ansvar og har gått audmjukt inn i arbeidet. «Vi har mottatt så mange spennende forslag, som hver på sitt vis tolker arven etter Nikolai Astrup. Gjennom et visningssenter får man en fantastisk mulighet til å formidle flere sider av Astrups kunstnerskap og livsholdning, men like viktig gir det en mulighet til i større grad å ivareta det sårbare og verdifulle kulturminnet som Astruptunet er. Jeg er imponert over hvordan konkurransedeltagerne på ulikt vis har formalisert og skapt et byggverk med utgangspunkt i de retningslinjer som ble lagt frem i utlysningsteksten", seier landskapsarkitekt Ingeborg Mellgren Mathiesen.
Dei fire konsepta juryen har valt ut i prekvalifiseringa skal bearbeidast og sjekkast når det gjeld tilgjengeleg areal. Innleveringsfrist i plan og designkonkurransen er 01.11.2024. I november startar juryen arbeidet med å gå igjennom dei fire finaleprosjekta og kåre vinnarutkastet. Vinnaren av arkitektkonkurransen vert offentleggjort på eigna måte før jul i år. Vi kjem tilbake med meir informasjon om den seremonien.
Jury for Visningssenter ved Astruptunet er slik samansett:
- Jenny Følling, ordførar og juryleiar
- Jan Erik B-J Rossow, arkitekt MNAL
- Astrid Rohde Wang, arkitekt MNAL
- Ingeborg Mellgren Mathiesen, landskapsarkitekt MNLA
- Tor Martin Leknes, Musea i Sogn og Fjordane
- Hilde Bjørkum, tidlegare kommunalsjef Sunnfjord kommune
I tillegg har desse vore med:
- Gisle Nataas, jurysekretær Norske arkitekters landsforbund (NAL)
- Thor Ove Farsund, prosjektleiar Sunnfjord kommune