Det er overveldande og veldig gledeleg at det er så stor interesse for å vere med å forme visningssenteret ved Astruptunet, seier ordførar Jenny Følling. 

Å få realisert eit visningssenter er avgjerande for vidare utvikling av tunet. Etter større merksemd rundt Nikolai Astrup med utstillingar i inn- og utland, og med det nyleg ferdigstilte 4-årige restaureringsprosjektet, forventar vi auka interesse både for Astrup sin kunst og for kunstnarheimen Astruptunet, seier ho. 

Det ligg eit stort og spennande arbeid føre oss med å vurdere dei mange forslaga og plukke ut 4 kandidatar som får gå vidare til trinn to i konkurransen, seier Følling. 

Jenny Følling er leiar av juryen, som elles består av 

• Tor Martin Leknes, Musea i Sogn og Fjordane
• Ingeborg Mellgren Mathiesen, Landskapsarkitekt MNLA
• Hilde Bjørkum, Sunnfjord kommune

Oppnemnde arkitektar frå Norske arkitekters landsforbund (NAL):

• Jan Erik B-J Rossow, Arkitekt MNAL 
• Astrid Rohde Wang, Arkitekt MNAL 

Juryen hadde sitt første møte tysdag og onsdag 28.-29. juni.  Utvalet av dei fire kandidatane som går vidare skal vere ferdig innan utgangen av juni. Heile prosessen er planlagt å vere ferdig i løpet av hausten 2024. 

Sunnfjord kommune