Sunnfjord kommune er ein av 9 kommunar i Vestland fylke som har fått støtte i denne omgang.

Mål for prosjektet: Oppsøkjande formidling i eit kombinasjonsbibliotek

Som nytt kombinasjonsbibliotek ynskjer vi å avklare korleis eit distriktsbibliotek kan verte meir synleg i skulen når det er stor avstand mellom biblioteksbygget og skulebygget.

Vi vil finne gode, berekraftige løysingar for oppsøkjande formidlingsarbeid som eit lite kombinasjonsbibliotek. Dette skal gjerast ved å utforme ein strukturert plan for ekstern formidling
til skule og barnehage.

Vi vil gjere folkebiblioteket meir tilgjengeleg for lånarar, barnehagar og skular utanfor Sande sentrum.
Ved å ta utgangspunkt i besøks- og utlånsstatistikk, vil vi sjå om vi i løpet av 2022 klarar å auke utlånsaktiviteten og mengda lånarar i alderen 6-16 år som bur i område med stor avstand til biblioteket. Vi brukar òg postadressa som indikator til dette føremålet.