Felles planlegging for framtida

Samhandlingskonferansen 2025 går av stabelen på Thon Partner Hotell Jølster på Skei i Sunnfjord, 18. september frå klokka 9.30 til 15.30.

Konferansen vert arrangert annakvart år i regi av Helse Førde, kommunane i Sogn og Fjordane, KS, Felles brukarutval og Høgskulen på Vestlandet (HVL). Målet er å styrke samhandlinga på tvers av forvaltningsnivå, kommunegrenser og fagmiljø – til beste for innbyggjarane.

Årets hovudtema er felles planlegging

Gjennom dagen vert det sett søkelys på:

• Kvifor er det så krevjande å planlegge i fellesskap for fellesskapet?

• Forventningsgapet.

• Den nye helsefellesskapsstrukturen – får vi med oss fagfolka?

• Samarbeid om rekruttering, kompetanse og felles planlegging.

Konferansen vil by på innlegg, panelsamtalar og dialog mellom deltakarane. Detaljert program vert publisert seinare.

Statssekretær kjem

Karl Kristian Bekeng, statssekretær i Helse- og omsorgsdepartementet, kjem til Skei for å snakke om helsefellesskapa si rolle i felles planlegging.

Praktisk informasjon

Tid: Torsdag 18. september 2025, klokka 09.30–15.30

Stad: Thon Partner Hotell Jølster, Skei i Sunnfjord

Påmeldingsfrist: 3. september klokka 23.00

Påmelding til konferansen

Pris: Helsefellesskapet dekkjer dagpakken for deltakarane. Reise og eventuelt opphald dekkjer den einskilde sjølve.

Kontaktpersonar

Kjell-Wernik Nystøyl, interkommunal samhandlingskoordinator – 951 72 280 / kjell-wernik.skarmyr.nystoyl@sunnfjord.kommune.no

Dagrun Kyrkjebø, samhandlingssjef Helse Førde – 950 70 684 / dagrun.kyrkjebo@helse-forde.no

Samhandlingskonferansen vert arrangert anna kvart år i regi av Helse Førde, kommunane i Sogn og Fjordane, KS, felles brukarutval og HVL.
Konferansen er eit viktig møtepunkt på tvers av forvaltningsnivå, kommunegrenser og fagmiljø.