Stemme heime eller der du er

Ønsker du eller nokon du kjenner å stemme, men kjem seg ikkje til vallokale på grunn av sjukdom eller uførleik? Då kan du kontakte kommunen og be om å stemme heime eller der du oppheld deg.

Du må oppgi årsaka til at du ønsker å bruke dette tilbodet. Det er likevel ikkje krav om dokumentasjon. Det held å fortelje kommunen kvifor du ønsker å stemme heime.

Å stemme heime skjer nesten på same måte som i eit vallokale:

• To valmedarbeidarar kjem heim til deg og har med seg nødvendig utstyr, inkludert eit stemmesetelsett med alle partia som stiller til val og blank stemme.
• Du skal usett velje ein stemmesetel for partiet du ønsker å stemme på og brette den.
• Valmedarbeidaren sjekkar legitimasjon, og stemplar stemmesetelen.
• Stemmesetelen blir lagt i konvolutt og du slepp stemmekonvolutten ned i urna. 
• Valet er hemmeleg, så du beheld sjølv stemmesetlane du ikkje brukar.

Send søknad innan 4. september kl. 12.00

Fristen for å søke om å stemme heime er torsdag 5. september, klokka 12.00. Du kan fylle ut kommunen sitt enkle søknadsskjema: 

Fyll ut søknadsskjema

Du kan òg ringe tenestetorget 57 72 20 00 for hjelp til å fylle ut skjemaet.

I ettertid vil ein valmedarbeidar frå kommunen kontakte deg for å avtale tidspunkt for stemmegjevinga.