Gangsti og fortau
Sunnfjord kommune skal etablere gangsti i Trolleskaret frå området ved idrettsbana og opp til gamle E39, og vidare langs gamle E39 vert det fortau til kryss Steiavegen og vidare bort til kryssingspunkt mot veg Hjortelia. Gangsti får breidde 3m, fortau breidde 3m langs gamle E39, og 2,75m langs Steiavegen. Det vert etablert gatelysanlegg på heile strekninga. Kryss mellom gamle E39 og Steiavegen vert omarbeida slik at hovudkøyretninga vert inn på Steiavegen når ein kjem sørover på gamle E39. Vegen vidare sørover vert kryss inn på ny hovudveg, dimensjonert for vogntog.
Nytt VA vatn- og avløpanlegg
I heile traseen for gangsti og fortau skal det etablerast nytt VA vatn- og avløpsanlegg.
Det blir ført fram spillvassleidning frå eksisterande sti ved idrettsbana, og opp til tilknyting nytt anlegg frå bustadfelt Øvre Steia i veg Hjortelia, samt at det løyser ut regulert bustadfelt Steia vest.
Ny vassledning blir lagt i trase frå tilknytingspunkt i veg Hjortelia, og førast til "toppen" av Løfallsfeltet, med tilknyting i veg Kvernafossen. Dette vil stabilisere vasstrykket i feltet, samt gje tilfredsstillande brannvassdekning.
Det blir etablert overvassanlegg på delar av strekninga.
Det blir lagt opp til tilknyting av nye abonnentar for vatn og avløp langs traseen.
I del av veg Kvernafossen skal eksisterande VA-anlegg sanerast. Det er registrert setningar på eksisterande røyr, som gir lekkasjar. Arbeidet inneber også i praksis justering av kabelgrøfter, ny overbygning veg og nye gatelys på traseen.
Aktuell del av Kvernafossen vil verte stengt ved gjennomføring av dette tiltaket. Det vert lagt opp midlertidig vassforsyning for dei som vert direkte berørt. Ein må elles pårekne stenging av vatnet ved nokre høve, men dette vert varsla særskilt til dei som vert berørt.
Kart
Kart Vegmodell Steiavegen mot sør (PDF, 614 kB)
Kart vegmodell fortau (PDF, 672 kB)
Kart gangsti (PDF, 714 kB)
Kart Kvernfossvegen (PDF, 708 kB)
VA - plan og profil Hovedtrase 1 (PDF, 2 MB)
VA - plan og profil Hovedtrase 1 ( kart 2) (PDF, 2 MB)
VA - plan og profil Hovedtrase 1 ( kart 3) (PDF, 2 MB)
VA - plan og profil Hovedtrase 1 ( kart 4) (PDF, 2 MB)
VA - plan og profil Hovedtrase 2 (PDF, 2 MB)
VA - plan og profil Hovedtrase 3 (PDF, 2 MB)
Framdriftsplan VA - Trolleskaret (PDF, 540 kB)
Kontaktpersonar :
Har du spørsmål som vedkjem gjennomføringa av anlegget kan du stille dei til:
- Arve Hornnes tlf: 57 61 28 29 mobil: 95 98 96 06 e-post: arve.jarle.hornnes@sunnfjord.kommune.no
- Teknisk vakt tlf : 57 72 00 01
- Røyseth Maskin AS ved Jørn Birkelid, mobil nr. 90 52 87 29